"Yuventus"ning ECHLdagi ishtiroki haqida (qisqacha statistika)

Xabaringiz bor, Turinning "Yuventus" klubi musobaqaning joriy mavsumidagi ishtirokini 1/8 final bosqichida yakunlashga majbur bo'ldi. 

ECHL. "Yuventus" turnirni tark etdi 

Hozir Maurisio Sarri boshchiligidagi "keksa sinora"ning musobaqadagi ishtiroki haqida bazi malumotlar bilan o'rtoqlashamiz.

Demak, "ECHL-2019/20"da "Yuventus" sharafini jami 21 nafar futbolchi himoya qildi: 

Darvozabon: SHchesniy
Himoyachilar: Kuadrado, Danilo, De Ligt, Demiral, Bonuchchi, Rugani, Sandro, de SHilo,
Yarim himoyachilar: Xedira, Pyanich, Matyuidi, Bentankur, Remzi, Rabo, Muratore
Hujumchilar: Kosta, Bernardeski, Dibala, Ronaldu, Iguain

"Keksa sinora" futbolchilari 8 o'yinda 14 bor raqib darvozabonlarini ranjitishdi (8-o'rin). Ayni paytga qadar "Bavariya" (27), "Man Siti" (20), PSJ (20), "Tottenxem" (18), "Real" (16), "Atalanta" (16), "Zalcburg" (16) va "Liverpul" (15) klublari "Yuventus"dan ko'proq gol urgan. Takidlash lozimki, Turin superklubining barcha gollari 8 nafar futbolchining nomiga yozildi:

Ronaldu 4, Dibala 3, Iguain 2, Kosta 1, Remzi 1, Bernardeski 1, Matyuidi 1, Kuadrado 1.

Golli uzatmalar:

Dibala 2, Iguain 2, Bernardeski 1, Kuadrado 1, Sandro 1.

Raqib darvozasini o'qqa tutish bo'yicha "Yuve" 13-pog'onaga joylashgan. Italyanlar har o'yinda o'rtacha 13.6 tadan zarba berishgan.

Har o'yindagi o'rtacha to'p nazorati — 57.1 % (4-o'rin, "Barsa" bilan bir xil).

To'p uzatishlardagi o'rtacha aniqlik — 87.7 % (3-o'rin). "Yuventus"dan yaxshiroq natijani faqat "Man Siti" (89.5) va "Bavariya" (88.4) jamoalari qayd etishgan.

Turnir davomida Maurisio Sarri shogirdlariga 10 bor sariq kartochka ko'rsatildi.

Voycex SHchesniy darvozasiga 8 o'yinda 6 ta to'p kiritildi. To'plar nisbatidagi holat — (+8).

Joriy mavsum A Seriyada chempion, mamlakat kubogida finalchiga aylangan "Yuventus" Evropa CHempionlar Ligasining nimchorak finalida to'xtashga majbur bo'ldi. Xullas, italyan futboli gegemoni uchun mavsum shunday tugadi.

Katta ehtimol bilan, "Lion"ga qarshi bahs Maurisio Sarri uchun Turin klubi boshqaruvidagi so'nggisi bo'lsa kerak. Siz qanday fikrdasiz, italiyalik mutaxassisga ishonch bildirish kerakmi?