O'zbekiston terma jamoasi hujumchisi Eldor SHomurodov faoliyat olib borayotgan "Rostov" klubi 1-turni Saransk shahrida "Tambov" klubiga qarshi o'tkazadi.
"Tambov" o'tgan mavsum Premer-ligada qolish uchun kurashdi hamda vazifani bajara oldi. Yangi mavsumda ham klub katta ehtimol bilan yana shu vazifa uchun harakat qiladi, yani ligada jon saqlab qolish uchun.
"Rostov" o'tgan mavsum oxirida koronavirus tufayli katta muammolarga duch keldi. SHu bois ham Karpin jamoasi ECHL yo'llanmasi uchun kurashni boy berib qo'yishdi. Rostovliklar o'tgan chempionatni 5-o'rinda tugatishdi va Evropa ligasi saralashida ishtirok etish huquqini qo'lga kiritishdi.
Bugungi bahsda "Rostov" favorit, biroq o'zaro o'yinlar tarixiga etibor qilsak ustunlik "Tambov" tomonida. Bu klublar hozirga qadar chempionatda ikki bor to'qnash kelishgan va ikkala o'yinda ham "Tambov" 2:1 hisobida g'olib bo'lgan.
Hamyurtimiz Eldor SHomurodov esa 28 fevraldan buyon gol ura olmayapti. Bugungi bahsda "Rostov" ham, SHomurodov ham o'zlari uchun "qora anana"ga barham berishlarini kutamiz.
Mavsum oldidan "Tambov"ga kelgan yangi futbolchilar ro'yxati:
Sergey Rijikov ("Krilya Sovetov")
Vitaliy Balashov ("Olimpik", Ukraina)
Aleksandr Karapetyan ("Sochi")
Kirill Panchenko ("Dinamo")
Aleksandr Golovnya ("Rodina")
Nikita CHicherin ("Krilya Sovetov")
Mavsum oldidan "Rostov"ga kelgan yangi futbolchilar ro'yxati:
David Toshevski ("Rabotnichki", Makedoniya)
Nikolay Poyarkov ("Rubin")
Aleksandr Smirnov ("Ximki")
Konstantin Kovalev ("Avangard")
Kento Xashimoto ("Tokio", Yaponiya)
Tambov - Rostov
8 avgust. Saransk. "Mordoviya Arena" stadioni. 20:30 (Toshkent vaqti).
Bosh hakam - Stanislav Vasilev (Ijevsk).
Translyaciya - "Match-Premer".
TAXMINIY TARKIBLAR:
"Tambov": 5-4-1: Rijikov, Ribin, SHlyakov, Oyevole, Takazov, Kaplienko, Kostyukov, CHuperka, Tetrashvili, Kilin, Kalmikov.
"Rostov": 4-2-3-1: Pesyakov, Kozlov, Osipenko, Xadjikadunich, CHernov, Normann, Glebov, Ionov, Popov, Bayramyan, Eldor SHomurodov.
Yo'qotishlar: yo'q - Dmitriy CHistyakov (jarohat).
Mazkur bahs championat.asia saytida matnli translyaciya qilinadi.
 FC Tambov | Premier League . 1-tur 08/08/2020, 20:30 - : - Boshlanmadi |  FC Rostov |
Stadion: Spartak Stadion, Tambov
Bosh sahifaga
198
