Marca xabariga ko'ra, braziliyalik futbolchi ECHL 1/8 finali doirasidagi "Man Siti"ga qarshi javob o'yinida maydongani tushmagani uchun hafsalasi pir bo'lgan.
Vinisius koronavirus pandemiyasi tufayli yuzaga kelgan tanaffusda ko'p ishlagani va Eden Azar yaxshi formada bo'lmagani tufayli restartdan keyin asosiy tarkib futbolchisiga aylanishini kutgan. Biroq, 20 yoshli o'yinchi mavsum qayta tiklanganidan beri o'tkazilgan 12 uchrashuvning atigi 4 tasini asosiy tarkibda boshladi. SHuningdek, u butun mavsum davomida faqat 17 marta boshlang'ich tarkibda maydonga tushdi.
Xabar qilinishicha, "Pari Sen-Jermen" klubi Vinisiusning atrofidagi vaziyatni anchadan beri kuzatib kelmoqda. Parijliklar sport direktori Leonardo iqtidorli o'yinchini ijaraga bo'lsa ham jamoaga jalb qilish PSJ uchun manfaatli bo'lishini malum qilgan.
Bundan tashqari, Vinisiusning xizmatlariga APL grandlari ham qiziqib qolgan, ammo rad javobini olgan edi.
Bosh sahifaga
233