Yuzaga kelgan tanaffusdan foydalanib saytimiz muxbirlari PRO-Liga jamoalari futbolchilari bilan intervyular tashkil etishmoqda. Quyida Urganchning "Xorazm" klubi azosi Timur Ismailov bilan tashkil etilgan intervyuni etiboringizga havola etamiz.
- Timur, "Xorazm" jamoasi joriy mavsumda O'zbekiston kubogi musobaqasida 1 ta va PRO-Liganing 2 ta tur uchrashuvlarini o'tkazdi. Sizni ushbu o'yinlarda maydonga tushmadingiz, bunga sabab nima?
- Mavsum avvalida tashkil etilgan mashg'ulotlarda olgan jarohatim tufayli ushbu uchrashuvlarni o'tkazib yuborishga majbur bo'ldim. Ayni damda hammasi joyida, navbatdagi uchrashuvlarga to'liq tayyorman deb ayta olaman.
- Bizga malum, siz futboldagi faoliyatingizni himoya chizig'ida boshlagansiz. Keyinchalik sizni hujumchi sifatida ko'rmoqdamiz. Buni qanday izohlaysiz?
- To'g'ri, dastlab himoya chizig'ida o'ynar edim. "Xorazm" jamoasining avvalgi murabbiyi Aleksandr Ejov meni ko'proq hujumchi ampulasida o'ynatgan. SHundan keyin o'zim ham hujum chizig'iga moslashib ketdim.
- "Xorazm" jamoasi hujum chizig'ida raqobat qanday?
- Nafaqat hujumda, balki jamoamizning har bir chizig'ida raqobat juda kuchli. SHundan kelib chiqib aytish mumkinki, o'yinlarga to'liq tayyor bo'lgan futbolchi maydonga tushadi.
- Kelajakdagi maqsadlaringiz qanday?
- Albatta, kelajakda "Xorazm" jamoasining g'alabalariga o'z hissamni qo'shish, o'yinlarimni yanada o'stirib, yaxshi natijalar ko'rsatish kabi maqsadlarim bor. SHu o'rinda jamoamiz muxlislariga bizni muntazam qo'llab-quvvatlab kelayotganliklari uchun minnatdorchilik bildiraman.
Timur Ibragimov yozib oldi
Bosh sahifaga
313