Komissiya azolari dam olish kunlarida “Buxoro” va “Bunyodkor” jamoalarining 25 nafardan futbolchisini Ig G testidan o'tkazgan edi. Kecha va bugun “Buxoro” yoshlar tarkibining 17 nafar azosi ham mazkur testni topshirdi. Unga ko'ra, buxoroliklarning yana 9 nafari virusni allaqachon o'z tanasidan o'tkazib bo'lgani malum bo'ldi. SHu tariqa “Buxoro” safida allaqachon antitanachalar shakllangan futbolchilar soni – 20 nafarni tashkil etmoqda.
Komissiya Ig G testi natijasi musbat chiqqan futbolchilarning barchasini funkcional holatini aniqlash maqsadida tekshiruvdan o'tkazib bormoqda. Ayni vaqtda bunday o'yinchilarda futbol uchrashuvlarini davom ettirish bilan bog'liq muammolar uchraganicha yo'q.
Bugun, shuningdek, AGMK, “Qo'qon-1912” hamda “Nasaf” klublari vakillari Ig G testidan o'tkazilmoqda. Hozirga qadar AGMK yoshlar tarkibining 25 nafari test topshirib bo'ldi. Ularning 10 nafarida natijalar musbat chiqdi. Endilikda ular funkcional holatini aniqlash bo'yicha ko'rikdan ham o'tishadi.
Bosh sahifaga
2110