“Navbahor” bugun tajribali himoyachi Davron Hoshimov bilan 1,5 yillik shartnoma imzoladi. Mazkur futbolchi 1992 yilning 24 noyabr kuni tug'ilgan. Futbolchilik faoliyati davomida “Paxtakor” (Toshkent, 2011 – 2017 yillar), “Navbahor” (Namangan, 2018 yil), “Lokomotiv” (Toshkent, 2019 yil – 2020 yilning 1-davrasi) jamoalarida to'p tepgan.
Tajribali himoyachi 2018 yilgi mavsumda “lochinlar” tarkibida 24ta o'yinda maydonga tushib, 2049 daqiqa harakat qilgan hamda “Navbahor”ning 14 yillik tanaffusdan so'ng, bronza medalini qo'lga kiritishida o'zining munosib hissasini qo'shgandi.
Bir yarim yillik tanaffusdan so'ng, Davron Hoshimov yana "Navbahor" safiga qaytdi.
“Navbahor” PFK matbuot xizmati.
Bosh sahifaga
174