Bir oy oldin bu klublar Qozonda o'zaro o'yin o'tkazishgandi. O'sha bahsda "temiryo'lchilar" 2:0 hisobida zafar quchishgandi. Leonid Sluckiy o'sha mag'lubiyat uchun revansh olishga harakat qiladi. Yozda Qozon klubiga Jorje Despotovich, Oleg SHatov va Mixail Merkulov kabi fubolchilar kelishdi.
"Lokomotiv" esa Superkubokdagi mag'lubiyatdan so'ng muxlislarini chempionatning 1-turidagi g'alaba bilan xursand qilishga intiladi. "Temiryo'lchilar" safida mavsumlar oralig'ida Jasur Jaloliddinov, Fyodor Smolov, Vitaliy Liscov va Vitaliy Lisakovich kabi futbolchilar qo'shilishdi.
Afsuski bugungi bahsda ham Jaloliddinovning maydonga tushishi so'roq ostida. Sababi Rossiya premer-ligasi rasmiy saytiga tayanadigan bo'lsak hamyurtimiz hamon "Lokomotiv" tomonidan ro'yxatdan o'tkazilmagan. SHu bois agar yaqin soatlar ichida bu narsa sodir bo'lmasa Jasur 1-turda qaydnomadan o'rin olmaydi.
Bu ikki klub hozirga qadar 46 bor o'zaro o'yin o'tkazishgan. "Lokomotiv" 18 bor, "Rubin" 12 bor g'olib bo'lgan. Qolgan 16ta uchrashuvda durang qayd etilgan.
- O'zaro oxirgi 8ta o'yinda "Lokomotiv" "Rubin"ga umuman yutqazmagan.
- "Lokomotiv" "Rubin" bilan o'tgan so'nggi 7ta uchrashuvning 6tasida gol o'tkazmagan.
- "Temiryo'lchilar" Rossiya premer-ligasida 11ta bahsdan buyon yutqazmay kelmoqda.
Rubin - Lokomotiv
11 avgust. Qozon. "Ak Bars Arena" stadioni. 22:00.
Bosh hakam - Sergey Ivanov (Rostov-na-Donu).
Translyaciya - "Match-Premer".
TAXMINIY TARKIBLAR:
"Rubin": 4-2-3-1: Dyupin, Uremovich, Starfelt, Begich, Merkulov, Konovalov, Abildgor, Makarov, SHatov, Kvaracxeliya, Despotovich.
"Lokomotiv": 4-3-2-1: Gilerme, Ignatev, Murilo, CHorluka, Ribus, Magkeev, Barinov, Krixovyak, Jemaletdinov, Miranchuk, Smolov.
Yo'qotishlar: yo'q - Anton Miranchuk (diskvalifikaciya), Luka Jorjevich (jarohat).
Muallif taxmini: Durang
 FC Rotor Volgograd | Premier League . 1-tur 11/08/2020, 20:00 - : - Boshlanmadi |  Zenit St. Petersburg |
Stadion: Volgograd Arena
Narzulla tayyorladi
Bosh sahifaga
1364