Koronavirus pandemiyasi sabab anchagina cho'zilib ketgan mavsumning o'tgan 9 turini “Andijon” jamoasida ijara asosida o'tkazgan darvozabon Islombek Abdullaev “shunqorlar” safiga qaytib keldi. Islombek mavsum boshida “Andijon” jamoasiga ijaraga berilgan edi. Yosh darvozabon o'tgan turlar mobaynida “Andijon” safida juda yaxshi o'yin namoyish qildi hamda jamoaning ko'rsatgan natijalariga o'zining munosib hissasini qo'sha oldi. O'tgan iyul oyida Islombek Abdullaev “superliganing eng yaxshi darvozaboni” deb topilgani ham so'zimizga isbot bo'ladi.
Jamoa murabbiylar shtabi ijaradagi darvozabon Islombek Abdullaevni jamoaga qaytarish to'g'risida qaror qabul qilishdi. Islombek kecha jamoa shifokorlari nazorati ostida koronavirusga test topshirdi hamda "shunqorlar"ning bugungi mashg'ulotlarida faol ishtirok etdi.
Yosh va iqtidorli darvozabonimizga kelgusi faoliyatida omad yor bo'lishini tilab qolamiz", - deb yoziladi "Qo'qon-1912" rasmiy saytida.
Eslatib o'tamiz, championat.asia talqiniga ko'ra Islombek Abdullaev iyul oyining eng yaxshi darvozaboni deb tan olingan edi.
Bosh sahifaga
234