Yaxshi bilasiz, O'zbekiston milliy terma terma jamoasi 13 oktyabr kuni safarda Yaman, 12 noyabr o'z maydonida Singapur hamda 17 noyabr safarda Saudiya Arabistoniga qarshi JCH saralash bahslarida maydonga tushishi lozim edi. Demak, bu o'yinlar ham bekor bo'ldi.
Xalqaro darajadagi o'yinlarni qoldirish orqali OFK to'g'ri qaror qabul qildi. CHunki ko'p joylarda hamon aholi koronavirus balosidan aziyat chekmoqda. Buning ustiga kuz oylariga borib xalqaro treyslar tiklanadimi-yo'qmi, bir narsa deyish qiyin.
Lekin rasmiy o'yinlar bekor qilingani bilan FIFA kunlari saqlab qolinar ekan, terma jamoamiz bosh murabbiyi Vadim Abramov saytimizga bergan intervyusida rasmiy bahslar o'rnini o'rtoqlik uchrashuvlari bilan to'ldirishni aytib o'tdi.
Endi savol tug'iladi: OFK rasmiy uchrashuvlarni bekor qilgan bir paytda o'rtoqlik o'yinlaridan ne foyda? Mana yaqinda bitta yig'in o'tkazildi. Bu nima foyda berdi? Hech nima. Baribir rasmiy bahsda boshqalar o'ynashi malum-ku. SHu bois hozirgi holatda eng to'g'ri yo'l bu yil hisobidan milliy terma jamoani boshqa yig'maslik bo'lib qolyapti. CHunki FIFA kunlari bo'lgani bilan shu kunlarni Superliga va Kubok o'yinlariga ajratgan maqul, agar o'tkazilsa!
Terma jamoani esa tinch qo'yish kerak. Undan ko'ra, legionerlarimiz o'z klublariga moslashsin, mashg'ulot o'tkazib o'sha erda yuraversin. Ularni chaqirib ovoragarchilik qilgandan biron naf ko'rmayapmiz. Abramov ham yaxshisi buyog'iga faqat "Bunyodkor"ni o'ylagani maqul. Sentyabrda Tojikiston va Eronga qarshi o'rtoqlik o'yinlari bo'ladimi? Bir narsa deyish. CHunki O'FA bo'ladi ham demadi, yo'q ham demayapti. Hamma vaziyat qanday tus olishini kutyapti. Agar imkoni bo'lsa, bu ikkita o'yinni ham bekor qilish kerak.
Xudo xohlasa buyog'i yaxshi bo'lib ketsa, terma jamoani kelasi yil yig'ib ham tayyorgarlik ko'rsa bo'ladi. CHunki bu yilgi yig'inlar va oktyabr-noyabrdagi o'rtoqlik uchrashuvlari hech narsa bermaydi. Undan ko'ra Superliga bilan Kubok o'yinlarini tugatib qo'yishni o'ylagan yaxshi. CHunki hamma joyda ichki chempionatlar davom etyapti.
Aytaylik, OFK klublarni Qatarga yig'ib OCHL bahslarini o'tkazishi mumkin, biroq milliy terma jamoa har doim o'z maydonida va o'z muxlislari ko'z o'ngida o'ynashi kerak. SHuni hisobga olib ham OFK bir qarorga keldi. Biz esa O'zbekiston milliy terma jamoasini bezovta qilmagan maqul deb o'ylaymiz.
Bosh sahifaga
285