Aleksandr Geynrix: "Ko'proq gol urib muxlislarni xursand etmoqchi edik"

"Muxlislarimizni ko'proq gollar urib xursand etishni istagan edik. Ammo yaratilgan vaziyatlardan unumli foydalana olmaganimiz pand berdi. Bugun ko'plab vaziyatlarda omad ham bizdan ochiqchasiga yuz o'girdi. Muhimi kerakli golni urvoldik va bu bizga uch ochkoni taqdim etdi. Asosiysi g'alaba qozondik. Menda ham gol urish uchun imkoniyat yuzaga kelgandi. Biroq vaziyatni golga aylantira olmadim. Yana 4 kundan kundan so'ng bizni Bahraynga qarshi muhim bellashuv kutmoqda. Endi ushbu o'yinga tayyorgarlik ko'ramiz. Stadionga tashrif buyurgan ishqibozlarga rahmat. O'ylaymanki, Bahraynga qarshi bahsda ular stadionda ajoyib muhit yarata olishadi", - dedi Aleksandr Geynrix.