Yil boshida "Mashal"dan ijaraga olingan futbolchilar nima uchun mavsum o'rtasida "qaldirg'ochlar" safini tark etishdi? SHu savol bilan "Bunyodkor" bosh murabbiyi Vadim Abramovga murojaat qildik.
"Bilasizmi ularni qishda jamoaga olib kelgandik. Sababi "Bunyodkor" OCHL pley-offida ishtirok etishi kerak edi, tarkibimizdan 5 nafar futbolchi U-23 Osiyo chempionatiga ketgandi, bundan tashqari bir qator futbolchilar xorij klublariga o'tib ketishgandi. O'zbekiston sharafini munosib himoya qilish uchun Murtozaev va Abduraimovni "Mashal"dan ijaraga olgandik. Ammo hozir jamoamizda futbolchilar etarlicha. Bu o'yinchilar zaxirada o'tirishsa hech kimga foyda bo'lmaydi. SHu bois "Mashal"ga qaytardik. Bu tashabbus ham "Bunyodkor", ham "Mashal" klubi tomonidan bo'ldi. Har ikkala futbolchiga ham jamoamizdagi faoliyati uchun minnatdorchilik bildiraman va keyingi faoliyatlarida omad tilayman", - deydi Vadim Abramov.
Malumot uchun, Sardor Abduraimov "Bunyodkor" tarkibida O'zbekiston chempionatida 1 o'yinda qatnashgan bo'lsa, Murtozaev 7 uchrashuvda bir bora raqiblar darvozasini ishg'ol qildi.
Bosh sahifaga
602