Timur Kapadze murabbiylik qilayotgan O'zbekiston yoshlar terma jamoasining CHig'atoydagi o'quv-mashg'ulot yig'inida ishtirok etayotgan hamda mazkur jamoaning O'zbekiston milliy terma jamoasi va "Buxoro" klubiga qarshi kechgan o'rtoqlik o'yinlarida maydonga tushgan futbolchi bilan qisqacha suhbat uyushtirildi.
- 2019 yili gepatit-S kasalligiga chalinganligim uchun yil boshida davolanishga majbur bo'ldim, - deya o'z so'zini boshladi Ulug'bek Aknazarov.
- O'shanda Qrimda “Navbahor”ning asosiy tarkibi bilan shug'ullanib qaytgandim. Afsuski, takidlaganimdek, gepatit-S xastaligiga chalinganim sababli, davolanib, bir yil vaqtimni o'tkazib yubordim. Ayni paytda hammasi yaxshi. O'zbekiston yoshlar terma jamoamiz bosh murabbiyi Timur Kapadzega yana bir bor imkoniyat berganliklari uchun katta rahmat. Endi bor etiborimni mashg'ulotlarga qarataman.
- Yana yoshlar terma jamoasi tarkibiga jalb etilishingizga umid qilyapsizmi?
- Yoshlar termasida 30 nafardan ortiq futbolchi bor. Raqobat kuchli. Jaloliddinov va Erkinov haqida ortiqcha aytib o'tirish shart emas. Mendagi asosiy muammo, Osiyo chempionatiga yaqin qolganidagina terma jamoaga jalb etilganim bo'ldi.Ishqilib kech qolmagan bo'lay. Xursand qilgani, bosh murabbiyimizning qo'llab-quvvatlashi. Birinchi marotaba tanishgan odam uchun bu juda muhim. Eng qizig'i, men ham Timur aka kabi tayanch yarim himoyasida o'ynayman. SHuning uchun ulardan o'rganadigan narsalarim ko'pligini tushunib turibman.
Yoshlar terma jamoasining keyingi yig'iniga jalb etilamanmi yoki yo'qmi, buni murabbiy hal etadi. Lekin, ishonch bildirishsa, uni oqlash, terma jamoa sharafini qo'limdan kelganicha, himoya qilishga vada beraman.
Bosh sahifaga
210