Nazorat bahsi. “Navbahor” – “Navbahor-2” – 5:0

Mazkur o'yinda “Navbahor” bosh murabbiyi Andrey Kanchelskis ikkita bo'limda ikki xil tarkibni maydonga tushirdi. “Lochinlar” safida faqatgina darvozabon Dilshod Hamroev to'liq – 90 daqiqa to'p surdi, xolos.

Uchrashuv borasida to'xtaladigan bo'lsak, 1-bo'limda aralash tarkibdan iborat bo'lgan jamoa asosiy tarkib vakillariga munosib qarshilik ko'rsata oldi hamda raqib jamoasi oldida bir qator vaziyatlarni yuzaga keltirdi. Ammo o'sha imkoniyatlardan samarali tarzda foydalana olmadi.

Asosiy tarkib futbolchilari ham tanaffusgacha bir qator xavfli hujumlar tashkil etishdi. Lekin yakuniy zarbalar oxiriga etmay qolardi.

Birinchi bo'limning so'nggi daqiqasida rossiyalik tajribali yarim himoyachi Pavel Golishev to'pni chalqancha usulda darvozaga aniq yo'llab, jamoasining tanaffusga 1:0 hisobidagi g'alaba bilan chiqib ketishini taminladi.

Ikkinchi bo'limda tashabbusni to'lig'icha qo'lga olgan Andrey Kanchelskis shogirdlari Ruslan Bolovning “dubl”i hamda Abbos G'ulomov va Mirzohid G'ofurovning gollari evaziga yakuniy hisobning yirik – 5:0 ko'rinish olishini taminlashdi.

Qisqasi, ushbu o'yinda baribir tajriba o'z so'zini aytdi.


Nazorat bahsi
“Navbahor” – “Navbahor - 2” – 5:0 (1:0)
11 avgust. Namangan. “Markaziy” o'yingoh.
Hakamlar: G'ayrat Jo'raev, Islom Nosirov, Isroil Imomnazarov.
Gollar: P.Golishev (45), A.G'ulomov (71), R.Bolov (83, 85), M.G'ofurov (87).
“Navbahor”: Dilshod Hamroev, Mirkomil Lokaev, Ivan Solovyov, Islombek Isoqjonov, Igor Golban, SHohruh Mahmudhojiev, Islom Rashidxonov, Xurshid Muxtorov, Tohir SHamsitdinov, Pavel Golishev, Zabihillo O'rinboev.
Zaxiradan maydonga tushganlar: G'iyosjon Komilov, Azimjon Ahmedov, Azizbek Turg'unboev, Sardor Telyakov, Mirzohid G'ofurov, Davron Hoshimov, Dostonbek Abdulhaev, Abbos G'ulomov, Ruslan Bolov, Anvar Hojimirzaev.
“Navbahor - 2”: Isroiljon Obidjonov, Mirzohid Mirzamahmudov, Sodiqjon Ortiqov, Jamoliddin Bahromov, Ayubxon Jo'raev, Abdulaziz Nishonboev, Mirjalol Abdumutalov, Asilbek Orifjonov, SHerzod G'ulomjonov, Akrom Bahriddinov, Ilhomjon Aliboev.
Zaxiradan maydonga tushganlar: Islom Abdullaxonov, Qodirjon Ikromov, Murodjon Adashboev, Kamron Nematjonov, Omadbek Toshtemirov, Doniyor Inamov, Abdurasul Qayumbaev.

“Navbahor” PFK matbuot xizmati