"Andijon": "Zomin"ga 7ta gol urdik, Abdumo'minov va Abdullaev ketdi, "Navbahor"dan ikki futbolchi keldi

2020-08-12 17:20:02 / Kiritdi: BestMaster O'qilgan: 171

CHempionat restartiga tayyorgarlikni Sirdaryo viloyatining Yangier shahrida o'tkazayotgan "Andijon" jamoasi kecha Jizzaxning "Zomin" jamoasiga qarshi o'rtoqlik uchrashuvida maydonga tushdi.

Qiziqarli va keskin kurashlarga boy bo'lgan uchrashuvda "Andijon" jamoasi 7:2 hisobida g'alaba qozondi.

Kiritilgan to'plarga Doniyor Abdumannopov, Jamshid Hasanov, SHahboz Jumaboev, Baxtiyor Qosimov, Azamat Isroilov, Abdulloh Olimov va Emmanuel Arivachukvu mualliflik qilishdi.

Mamlakatimizda yozgi transfer oynasi ochilgan kuni "Qo'qon-1912" jamoasidan ijaraga olingan darvozabon Islombek Abdullaev sobiq jamoasiga qaytib ketdi. SHuningdek, jamoamiz yarim himoyachisi Jahongir Abdumo'minov bilan ikki tomonlama shartnoma bekor qilinib, Abdumo'minovga javob berib yuborildi.

Yozgi transfer bozori ochilganidan keyin bir qator futbolchilarni ko'rikdan o'tkazmoqda. Namangan "Navbahor" jamoasi yarim himoyachisi Komil Tojiddinov va hujumchi Husayn Ergashboev ayni paytda jamoamiz ko'rigidan bo'lib turishibdi. Bu ikki futbolchi ham "Zomin"ga qarshi o'tkazilgan o'rtoqlik uchrashuvda maydonga tushishdi.

Eslatib o'tamiz, jamoamiz Superliganing 10-turini 18 avgust kuni Muborakning "Mashal" jamoasiga qarshi o'tkazadi.

Teglar: andijon, zominga, urdik, abdumominov, abdullaev, ketdi, navbahordan, ikki, futbolchi, keldi,
← Oldinga Orqaga →