Aslida mazkur bahs 14 iyul kuni bo'lib o'tishi kerak edi, biroq "Bunyodkor" klubi azosida koronavirus infekciyasi aniqlangani bois o'yin boshya muddatga qoldirilgandi. "Buxoro" bu mavsum g'alaba qozona olmagan uchta klubdan biri bo'lib turibdi. "Bunyodkor" esa oxirgi uchta turda umuman mag'lub bo'lgani yo'q.
Superligada yuzaga kelgan ikkinchi majburiy tanaffus vaqtida "Buxoro" murabbiylar shtabida o'zgarish yuzaga keldi. Muhsin Muhammadiev bilan kelishilgan holda shartnoma bekor qilindi va uning o'rnini Jamshid Saidov egalladi. Murabbiylar shtabiga ruminiyalik Avgustin CHirita keldi, Nikolay Minchev esa texnik direktor lavozimida ish boshladi. Jamoaga Maksimilian Fomin va Ilhom Alijonov kabi himoyachilar kelishdi. Mart oyida o'z yurtiga uchib ketgan kanadalik legioner Milovan Kapor esa yaqinda "Atletiko Ottava" klubi bilan shartnoma tuzdi.
"Bunyodkor"da esa klub rahbariyatida o'zgarish yuzaga keldi. Bosh direktor Ulug'bek Mirzaev o'rniga Ayniddin G'iyosov tayinlandi. Jamoaning sobiq azosi Xurshid G'iyosov yana "Bunyodkor"ga qaytdi. "Mashal"dan ijaraga olingan Humoyun Murtozaev va Sardor Abduraimov Muborak klubiga qaytib ketishdi.
"Buxoro" va "Bunyodkor" klublari hozirga qadar O'zbekiston chempionatida 26 marta to'qnash kelishgan. Katta ustunlik "qaldirg'ochlar" tomonida. 19 bor Toshkent klubi g'olib bo'lgan, 6 bor durang qayd etilgan va faqat bir marta "Buxoro" zafar quchgan.
O'zaro oxirgi 7ta uchrashuvda "Buxoro" umuman g'alaba qozona olmagan. O'tgan mavsumda bu ikki klub o'rtasidagi har ikkala bahs ham durang natijasi bilan tugagan.
Bu jamoalarning U-21 Birinchiligi doirasidagi o'yini 15 avgust kuni bo'lib o'tishi kerak edi. Biroq kecha ushbu bahs 30 avgustga qoldirilgani haqida xabar berildi. Buning sababi yozilgani yo'q.
Coca Cola Superliga. 9-tur
«BUXORO» – «BUNYODKOR»
14 avgust. Toshkent. «Paxtakor» stadioni. 19:00 (Sport TV LIVE)
Hakamlar: Akobirxo'ja SHukurullaev, Hasan Nabiev, Daler Tilloev, Ahmadjon Ergashev.
Nazoratchi: Sardor Najafaliev.
Komissar: Jahongir Rahmatullaev.
Muallif taxmini: Ikkala jamoada ham o'zgarishlar bo'ldi. Biroq bu o'yinda "Bunyodkor" baribir favorit. Agar vaziyatlardan unumli foydalana olishsa Abramov shogirdlari kichik hisobda g'alaba qozonishlari mumkin - 2:1.
 Buxoro | Superliga. 9-tur 14/08/2020, 19:00 - : - Boshlanmadi |  Bunyodkor |
Narzulla tayyorladi
Bosh sahifaga
140
