“Andijon” Navoiyga etib keldi

Safarda Qizilqumga qarshi kechadigan bahsga jamoamiz Toshkentdagi Geofizika qarorgohida jiddiy tayyorgarlik ko'rdi. Bugun erta tongda jamoamiz azolari Toshkent temiryo'l vokzalidan Navoiy shahri tomon yo'lga chiqdi.

Tushlikdan so'ng esa “burgutlar” ko'zlangan manzilga etib keldi. Aytish kerakki jamoamiz azolari shahardagi ko'rkam mehmonxonalardan biri bo'lgan “Zarafshon” oteliga kelib joylashdi.

Bugun kechki soat 17:00da o'yinoldi mashg'uloti o'tkaziladi. Eslatib o'tamiz, jamoamizning “Qizilqum”ga qarshi ertangi uchrashuvi Navoiydagi “Yoshlar” sport majmuasi stadionida bo'lib o'tadi.  O'yin boshlanish vaqti esa 17:30ga belgilangan.