Manbaga ko'ra, “Bavariya” CHempionlar Ligasining joriy mavsumida zafar quchsa, “Barselona” Filippe Koutinoning sobiq klubi “Liverpul”ga 5 mln evro o'tkazib berishiga to'g'ri keladi.
Bu Koutino bilan imzolangan shartnomadagi bandda ko'rsatilgan. Agarda braziliyalik futbolchi 2018/19 yoki 2019/20 yilgi mavsumda ECHL titulini qo'lga kiritsa, ingliz klubi bonus summani olish huquqiga ega bo'ladi. Filippe qaysi jamoada bo'lishining esa ahamiyati yo'q.
Eslatib o'tamiz, “Barsa” Koutinoni myunxenliklarga ijaraga bergandi. U kecha o'tgan ECHL 1/4 bosqichi doirasidagi uchrashuvda (8:2) “ko'kanorranglilar” darvozasini ikki bor ishg'ol etish bilan birga bitta golga hammualliflik qildi.
Bosh sahifaga
1326