O'zPFL va Uzreport TV ishchi guruhi Pro liga stadionlarini ko'zdan kechiradi

Unga ko'ra, UZREPORT TV Pro liganing har bir turidan eng qiziqarli va markaziy uchrashuvlarni UZREPORT TV va FUTBOL TV telekanallari orqali jonli efirda namoyish etishi ko'zda tutilgan. SHu bois, O'zPFL hamda UZREPORT TV ishchi guruhi tanaffusdan foydalanib Pro liga uchrashuvlari o'tkaziladigan stadionlarni tekshirishni boshladi. 16 avgust kuni ishchi guruh “Oqtepa” futbol klubi uy uchrashuvlarini o'tkazadigan “To'qimachi” stadionini tekshirishdi. Unda tomoshabinlar uchun translyaciya sifatini oshirish, ularga sifatli lavhalar etkazib berish maqsadida kameralar joylashuviga stadionda maxsus nuqtalar belgilab olindi.

SHuni takidlash lozim, stadionlardagi sharoit translyaciya sifatiga tasir qiladi. Aynan shu bois, Pro liga uchrashuvlari o'tkaziladigan barcha stadionlar ko'zdan kechiriladi va ushbu liga bahslari sifatli translyaciya qilinishi uchun sharoit yaratiladi.

Hamkorlikdagi asosiy masalalardan yana biri, Pro liga saviyasini ko'tarish va uni maksimal darajada Superligaga yaqinlashtirishdan iboratdir. Har ikki liga o'rtasidagi raqobatdan O'zbekiston Professional futbol ligasi manfaatdordir. Qolaversa, endilikda Pro liga klublarida ham o'zini namoyon etish, mazkur liga futbolchilarida esa terma jamoa murabbiylari nazariga tushish imkoniyati paydo bo'ladi.