O'yin haqida
Bahs qiziqarli kechdi. Yigitlarga o'yin uchun rahmat, munosib o'yin ko'rsatishdi.
Azimjonov haqida
U hali yosh. O'yinda keskinlik oshgani bois uni almashtirishga qaror qildim.
"Bunyodkor"ning o'yini 2 taymda 2 xil ko'rinish oldi. Bu bo'yicha nima deya olasiz?
Odatda 2-bo'limda yaxshi o'ynay olmasligimizni aytishardi, bu gal aksincha, 2-bo'limda yaxshiroq o'yin namoyish etdik. Futbol shundayki, unda kichik detallar ham muhim rol o'ynaydi. Yaxshi zarba yo'llandi va barchasi o'zgarib ketdi.
Jamoa ketma-ket o'yinlarga tayyormi? Zaxira o'rindig'i-chi?
Bunaqasi bizda birinchi marta kuzatilyapti, ko'ramiz. Afsuski, zaxira bo'yicha ayrim muammolar bor. Masalan, G'iyosovni ro'yxatdan o'tkaza olmaymiz.
Nega G'iyosov haligacha ro'yxatdan o'tkazilmagan?
Bizni PFL oldidagi qarzlarimiz mavjud. G'alati, lekin shu boisdan uni ro'yxatdan o'tkaza olmaymiz.
Klubning Davlat aktivlarini boshqarish agentligiga o'tishi, jamoaning xalqaro maydondagi holatiga tasir o'tkazmaydimi?
Fikrimcha, bu noto'g'ri. Jamoa futbolchilari imkon qadar xalqaro o'yinlar uchun o'z o'yinlarini o'stirib, rivojlantirib borishlari lozim. Hozirgi holatda PFL ligamiz kuchliroq bo'lishi uchun harakat qilishi kerak. Hozir bizga aytishyaptiki, "Bunyodkor" OCHLda qatnashmaydi. Bunday holatda qanday qilib futbolchilarni ilhomlantirish mumkin? CHempionat xalqaro maydondagi uchrashuvlar evaziga kuchayishi mumkin. Bundan tashqari, futbolni rivojlantirish bo'yicha Prezident qarori ham mavjud. Unda 2030 yilga qadar deb yozilgan. Hozir hech kim klublarni sotib olishga oshiqmayapti. Buni kengaytirilgan tarkibda yig'ilib muhokama qilish kerak.
Bosh sahifaga
450