CHempionatimiz bir tekisda o'tmayotgani, ikkinchi tomondan tarkibimizda ko'plab futbolchilar kasal bo'lib tuzalishdi. SHu bois barchaning jismoniy holati bir xil emas. Bazi kunlari 11-12 nafar futbolchi bilan mashg'ulot olib bordik. Bugungi o'yinda Vatsadze, Grigalashvili, Zonich, Tursunov asosiy tarkibga kiritilmadi. Abdurahimov kecha-bugun o'zini yaxshi qimagani bois birinchi taymda almashtirildi. Bunday katta tanaffuslarda tayyorlanish qiyin, endi 29 avgustgacha yana 3ta o'yin bor. Kimdir tiklanadi, kimnidir jismoniy holatini ko'taramiz.
Jamoaning kayfiyati yaxshi. Birinchi taymda qo'pol xato tufayli gol o'tkazdik. Bu narsa istalgan futbolchi bilan sodir bo'lishi mumkin. Tanaffusda ham yigitlarga tayinladim, do'stingiz uchun o'ynanglar deb. Ikkinchi taymda yigitlar o'zlari uchun ham, Dilshod uchun ham o'ynashdi. Bu o'z samarasini berdi.
- Barcha klublarimiz Davlat aktivlarini boshqarish agentligiga o'tkazilmoqda. Biroq bu OCHL reglamentiga zid. Bunga qanday qaraysiz?
- Bu narsa nima bilan tugashini tushunmayapman. Futbol jurnalistlari va mutaxassislar bu haqda yozishmoqda. Ertaga qilayotgan ishlarimiz nolga teng bo'lsa bu yaxshi bo'lmaydi. Nafaqat murabbiylar, futbolchilar, umuman o'zbek futboliga tasir qiladi. Sport bu kurashish va nimagadir intilish. Buni yuristlar OFK vakillari bilan to'g'ri yo'lga qo'yish kerak. Bir inson yoki bir tashkilot bir nechta klublarni boshqarishi mumkin emas, buni bilamiz. Ammo hujjatlarni o'rganib chiqish kerak. Vaqtida ko'rib chiqish shart. Aks holda bu terma jamoaga ham tasir qiladi. Agentlikka o'tdi va ketdi deyish oson. Lekin qo'yilgan maqsadlar bor. Murabbiy sifatida OCHLga harakat qilmasam sport principi nima bo'ladi?
- Superligada dastlabki 10ta turda umuman yutqazmaslik omillari nimada?
- Ikkinchi qavatga chiqish uchun dastlab birinchi qavatga chiqish kerak. Mag'lubiyatsiz seriya ortida mehnat, ishtiyoq yotibdi. Jamoaning, rahbariyatning, futbolchilarning, qorovuldan boshlab katta rahbargacha barchaning mehnati bor.
- Mashg'ulot va rasmiy o'yinning farqi juda katta. Birinchi taymda o'yinga kirishib keta olmasligimizning sababi chempionatning bir tekisda o'tmayotgani bo'ldi. Birinchi taymda raqibni o'rgandik, iloji boricha ochiq o'yin namoyish etmadik. Tanaffusda sherigi qilgan xatosini yuvish uchun futbolchilar o'z mehnatlarini ayashmadi. 9ta turda mag'lub bo'lmaslik o'ziga xos kichik tarix, unga yana bitta o'yin qo'shishni istadik. Hech kim sizning qanday kiyim kiyganingzni yoki qancha premiya olganingizni eslamaydi, arxivni ochganda jamoa natijalarini ko'radi. Futbolchilar o'z kasbidan rohatlanishlari kerak. Lekin futbol shunaydik, o'tgan kuni "Siti" futbolchisi 4 metrdan gol ura olmadi. Futbol shunisi bilan qiziq. SHu bois g'alabalardan xursandman, agar seriyamiz davom etsa qilgan mehnatlarimiz zoya ketmagan bo'ladi, - deydi Mirjalol Qosimov.
Bosh sahifaga
810