"Bugun qiziqarli o'yin bo'ldi. Birinchi taym boshi "Navbahor" ustunligida o'tdi, keyin yigitlarimiz o'zlariga kelib o'z o'yinlarini ko'rsatishni boshlashdi. Ikkinchi taymda umuman boshqacha futbol bo'ldi. O'ylaymanki 3 ochkoga loyiq o'yin ko'rsatdik. Omadsizlik tufayli durang qayd etdik. Xatolarni xulosa qilib keyingi o'yinga tayyorgarlik ko'ramiz. Bizda ikki kun vaqtimiz bor va keyingi o'yin.
Dastlabki 20 daqiqa mahalla futboliga o'xshab ketgani rost. Menimcha bunga yuzaga katta tanaffus, keyin himoyada etakchi futbolchilarimiz yo'q edi. Stanoevich bo'lganida xotirjam o'yin bo'lardi.
To'g'ri o'yin oxirida toliqish bo'ldi. Zaxiramiz uzun emas, jarohat olganlar bor. Yosh futbolchilarni maydonga tushirishga hayiqdim. To'g'ri reja bilan ketma-ket o'yinlarga tayyor bo'lishimiz kerak. Jarohat olgan futbolchilar safga qaytishlarini kutamiz. Afsuski bugun Aleksandr Kasyan to'rtinchi sariq kartochkasini oldi va keyingi bahsda bizga yordam bera olmaydi.
Bubanya bilan deyarli ishlamadim. Andijonga borib 5 daqiqa o'ynaganini hisobga olmasak, qaytib kelganidan keyin yo'q bo'lib qoldi. Pandemiya tufayli karantin bo'ldi, uyiga ketganini eshitdim. Uning shartnomasi qanday edi to'g'risi xabarim yo'q. SHu bois bu borada boshqa hech narsa ayta olmayman.
Jamoa o'yinida xatoliklar va kamchiliklar bor. Kelganimdan keyin o'z falsafamni singdirib borishga intilayapman. Bu borada ishlayapmiz.
"Surxon"da tajribali futbolchilar ko'p? Bilasiz men jamoaga mavsum yarmida keldim, futbolchilar menga qadar klubga kelishgan. Meni vazifam shu bor futbolchilar bilan natija ko'rsatish. "Surxon", - deydi Ravshan Haydarov.
Bosh sahifaga
241