Mazkur turda "Andijon" "Mashal"ga qarshi o'ynadi. Bahs 0:0 hisobida yakuniga etdi. SHu kuni "burgutlar" darvozasini Eldor Adhamov qo'riqladi va o'zidan yaxshi taassurot qoldirdi. Bir nechta xavfli zarbalarni qaytargan Adhamov championat.asia talqiniga ko'ra 10-turning eng yaxshi darvozaboni deb topildi.
Termizning "Surxon" klubi 10-turda "Navbahor"ga qarshi o'ynadi. Uchrashuvda hisobni SHerzod Karimov tomonidan urilgan gol ochib berdi. Karimov burchakdan to'pni to'g'ri raqib darvozasiga joylab qo'ydi va haqli ravishda tur goli sifatida etirof etildi.
Qarshining "Nasaf" klubi yakunlangan turda Jizzaxning "So'g'diyona" klubini 3:0 hisobida taslim etdi. SHu kuni "ajdarlar" o'yinda katta tashabbusga ega bo'lishdi va yirik g'alabani tantana qilishdi. Yosh futbolchilarni qo'rqmay tarkibga kiritadigan Berdiev shu kuni Husayin Norchaevni zaxiradan maydonga tushirdi va 18 yoshli futbolchi Superligada debyut golini urdi. Championat.asia talqiniga ko'ra Ro'ziqul Berdiev 10-turning eng yaxshi murabbiyi deb topildi.
Ha bu turda SHerzod Karimov burchakdan ajoyib gol urmaganida tur goli ham, tur futbolchisi ham Nurillo To'xtasinovga berilishi mumkin edi. Sababi "Bunyodkor" yarim himoyachisi "Metallurg" bilan bahsda juda faol o'ynadi hamda ikkita gol urib jamoasiga g'alaba keltirdi. Uning birinchi goli ayniqsa juda chiroyli chiqqanini takidlash lozim. O'zbekiston chempionatida ilk bor dublga erishgan Nurillo To'xtasinov championat.asia talqiniga ko'ra tur futbolchisi deb topildi.
Bosh sahifaga
203
