O'yindan nimalar kutgan edingiz? Umuman olganda, o'yin qanday kechdi?
- "Andijon"ni yaxshilab o'rganib chiqqan edik. Lekin 5 ta himoyachi (3 ta markaziy himoyachi) bilan o'ynaydi deb o'ylamagan edim, chunki oldingi o'yinlarda 4 himoyachi bilan harakatlanishgan. O'yin oson bo'lmadi. Birinchi bo'lim boshida yaxshi vaziyatlarni yaratdik, lekin foydalana olmadik. Qolaversa, shoshilib o'ynadik va to'pni ko'p marta yo'qotib qo'ydik. Ikkinchi bo'limda maydonga tushgan o'yinchilar o'yinni kuchaytirishdi va haqli g'alabaga erishdik.
Maysaning holati va o'yin vaqti haqida nima deya olasiz?
- Avvalambor, bu bahona bo'lmasligi kerak. Har bir jamoada imkoniyat bir xil. Endi shunaqa vaziyatlar ham bo'lib turadi. Yoshligimni eslasam, soat 15:00da o'ynagan paytlarimiz ham bo'lgan. Bu bahona bo'lishi kerak emas, buni futbolchilarga ham tushuntirdim. Menimcha, maydon holati yomon emas.
Hozir chempionatimizda transfer oynasi ochiq. AGMKda qanday o'zgarishlar kutilyapti?
- Hozirgi tarkibimizdan qoniqyapmiz va rotaciyaga ham qo'l urib turibmiz. CHunki jarohatlanganlar, kasal bo'lganlar bor. Grigalashvili, Vatsadze, Tursunov 2 hafta davomida davolanib, tiklanib olishdi. Sekin-asta o'yinlarda qatnashib, jismoniy holatlarini tiklab, yanada yaxshi o'ynay boshlashadi.
AGMK ketma ketma-ket 2 ta o'yindan buyon avval gol o'tkazib, keyin 3:1 hisobida g'alaba qozonmoqda. Jamoa gol o'tkazgach, bosim qilyapti. Nega gol o'tkazishdan oldin hujumda kuchliroq o'yin ko'rsatilmayapti?
- SHunisi yomonda. O'zi aslida 90 daqiqa harakatlanish kerak. Albatta, goldan keyin intilish kuchayadi. Zaxiradan tushgan o'yinchilar ham o'yinni kuchaytiryapti.
Bosh sahifaga
353
