Imtihonlar joriy yilning 20-21 avgust kunlari “Xorazm sport majmuasi” futbol maydonida karantin talablari va sanitariya-gigiena qoidalariga qatiy rioya qilingan holda bo'lib o'tdi. Qabul komissiyasi faoliyatining shaffofligi va xolisligini taminlash maqsadida imtihon jarayonini O'zbekiston Respublikasi Jismoniy tarbiya va sport vazirligi Hududlarni sportga ixtisoslashtirish va o'yin sport turlarini rivojlantirish boshqarmasi bosh mutaxassisi Akbar Urazboev hamda O'zbekiston futbol associaciyasi Bolalar, o'smirlar va ommaviy futbolni rivojlantirish bo'limi boshlig'i o'rinbosari Otabek Kenjaevlardan iborat respublika ishchi guruhi vakillari joyida bevosita kuzatib borishdi.
O'z navbatida voha mutaxassislari tomonidan viloyatning shahar va tumanlaridan selekciya ishlari natijalariga ko'ra saralab olingan 67 nafar yosh “charm to'p” ustasi o'yin mahorati, jismoniy tayyorgarlik va texnik ko'rsatkichlari bo'yicha sinovdan o'tishdi. SHundan, 22 nafari futbol mahorati maktabining 5-sinfiga qabul qilindi. Endilikda, ular u erda tajribali va malakali trenerlar qo'l ostida mukammal shug'ullanib, mahoratini yanada oshirish imkoniyatiga ega bo'lishadi.
Kezi kelganda takidlash joizki, imtihonga tayyorgarlik ko'rish va uni o'tkazish bilan bog'lik tashkiliy ishlarda Xorazm viloyati jismoniy tarbiya va sport boshqarmasining ko'magi beqiyos bo'ldi.
Ikrom XUDOYBERGANOV, Urganch shahri.
Bosh sahifaga
3298