"Bugun juda yomon o'yin o'tkazdik. Har uch kunda o'ynayapmiz, bu o'yinga tayyorgarligimiz meyorida bo'lmagani bilinib qoldi. Tarkibda ham muammolarimiz borligi o'z tasirini ko'rsatdi. "Buxoro" jamoasi yaxshi o'ynadi, ularni g'alaba bilan tabriklayman.
Raqibni bir kun ko'p dam olgani bilindi, jismoniy tomondan ular bizdan ustun kelishdi. Tarkibimizdagi muammolar haqida gapiradigan bo'lsam, hujumchimiz Kasyan bugun maydonga tushmadi. Stanoevich hali safimizga qaytmadi. Jismoniy holatimiz ham yuqori darajada emas. Pandemiya, futbolchilarni kasallanishi, jarohatlar bari o'zining tasirini ko'rsatmoqda. Har uch kun o'ynash qiyin bo'lmoqda.
Afsuski, ikkinchi o'yinda ham avtagol hisobiga ochko yo'qotmoqdamiz. Nima bo'layotganiga o'zim ham hayronman. Jamoani kuchaytirishni o'ylamoqdamiz, "Paxtakor"dan Ibrohim Yo'ldoshev biz bilan birga shug'ullanmoqda. Hali ro'yxatdan o'tkazmadik. Tashkiliy tomondan ham ayrim muammolar bor. 31 avgustga qadar yangi futbolchilarni qo'shib olishga harakat qilamiz", - deydi Ravshan Haydarov.
Bosh sahifaga
171