"Bugun yaxshi o'yin bo'ldi. Bizda ham, ularda ham vaziyatlar bo'ldi. O'ylashimcha bugun biz haqli ravishda g'alaba qozondik. "Navbahor" tomonidan bosim bo'ldi, hujumlar bo'ldi ammo yaqqol vaziyat ko'zga tashlanmadi. Birinchi taymda ikkita gol urishimiz kerak edi. Bugungi bahsni unutamiz va 4 kundan so'ng navbatdagi o'yinimiz bor.
"Navbahor" tarkib bo'yicha bizdan kuchliroq? Kim shunday deb hisoblaydi? Mutaxassislar? Ular nima deb o'ylashsa o'ylayverishsin, men uchun "Mashal" futbolchilari eng kuchli. "Navbahor"ni erga urmayman, bu jamoa safida malakali futbolchilar ko'p, terma jamoa azolari ham bor. Ammo o'z futbolchilarimni kuchliroq deb bilaman.
"Navbahor"ning "Surxon"ga qarshi o'yinni ko'rib, o'rganib chiqdik. Bugun tarkibda bazi o'zgarishlar bo'ldi. O'ng qanotda Hoshimov o'ynamadi, o'tgan o'yinda ikki hujumchi o'ynashgandi. Taktik va amaliy ko'rsatmalarimni yigitlar to'liq bajarishdi.
Hisobda oldinga chiqib olganimizda yigitlardan to'liq himoyaga o'tib olmasliklarini so'radim. Balki bunga "Navbahor" bizni majbur qilgandir. Tarkibimizga ikki ijaradagi futbolchi qaytdi. Ular jamoaga yordam berishmoqda", - deydi Dilyaver Vaniev.
Bosh sahifaga
561