Mazkur turda "Mashal" klubi Toshkentda "Navbahor"ga qarshi o'yin o'tkazib 1:0 hisobida g'alabaga erishdi. SHu kuni "gazchilar" darvozasini Rahimjon Davronov o'z darvozasini ishonchli tarzda qo'riqladi va jamoasi g'alabasiga katta hissa qo'shdi. Bu mavsum stabil o'yin namoyish etib kelayotgan Davronov o'zidan yaxshi taassurot qoldirayapti. Bir nechta xavfli zarbalarni qaytargan Rahimjon Davronov championat.asia talqiniga ko'ra 11-turning eng yaxshi darvozaboni deb topildi.
Olmaliqning AGMK klubi 11-turda "Andijon"ga qarshi o'ynadi. Uchrashuvda hisobni vodiy klubi ochishga erishdi. Ikkinchi taymda zaxiradan maydonga tushgan gruziyalik Elguja Grigalashvili ajoyib zarba bilan hisobni tenglashtirdi va o'yinning borishiga jiddiy tasir ko'rsatib berdi. Zarba traektoriyasi juda ham chiroyli chiqdi va to'p darvoza ustuniga tegib to'rga borib tushdi. Championat.asia talqiniga ko'ra turning eng chiroyli goli muallifi Elguja Grigalashvili.
Muborakning "Mashal" klubi yuqorida takidlaganimizdek "Navbahor"ni 1:0 hisobida mag'lub etdi. SHu kuni "gazchilar" raqibdan hayiqmay, yaxshi o'yin namoyish etishdi. "Mashal" katta murabbiyi Dilyaver Vaniev Superligada murabbiy sifatida birinchi mavsumini o'tkazmoqda va rossiyalik Andrey Kanchelskis boshqarayotgan, chempionlik va OCHL uchun kurashayotgani aytilayotgan "Navbahor"ni mag'lub etdi. SHu bois Championat.asia talqiniga ko'ra Dilyaver Vaniev 11-turning eng yaxshi murabbiyi deb topildi.
Tajribali Jasur Hasanovni ko'pchilik ikkinchi yoshligini o'tkazmoqda deb aytmoqda. "So'g'diyona" bosh murabbiyi Ulug'bek Baqoev o'yindan keyin yosh futbolchilar Jasur Hasanovdan o'rnak olishsin deb bejizga aytgani yo'q. Bugungi kunda Hasanov ham maydonda, ham maydon tashqarisida "So'g'diyona"ning haqiqiy etakchisi.
Bosh sahifaga
131
