PSJda esa ECHL g'olibligi tamini «Real» va «Barselona»da tatib ko'rgan uch ijrochi bor — Di Mariya («Real»/2014), Neymar («Barselona»/2015) va Navas («Real»/2016/2017/2018).
Tomas Myuller «Bavariya»ning ECHLdagi to'rtinchi finalida ishtirok etishga yaqin. 2010 yilgi «Inter», 2012 yili «CHelsi» va 2013 yilgi mavsumda «Borussiya» Dortmund bilan bo'lgan finalda o'ynagan.
Xaynkes davridagi fantastik mavsumda asosiy rolni bajargan Noyer, Boateng, Alaba va Myuller hozirgi jamoada ham boshlang'ich tarkibda. Agar bugun Boatengni jarohati bezovta qilmasa, unda 7 yil avvalgi to'rtovlon yana asosiy tarkibda ko'rinish beradi.
«Bavariya»ga 2013 yili kelib, barcha ishni do'ndirgan va o'sha mavsumda maksimal effekt bergan Martinez esa hozirda zaxira futbolchisi. Qizig'i, Martinez va Alaba «Bavariya» bilan ECHL finalida o'ynagan va mag'lub bo'lishmagan. Qolgan finalda o'ynagan futbolchilar esa kamida bir bor bo'lsa ham yutqazishgan.
Qizig'i, quda tarafdagi finalda o'ynagan Di Mariya, Neymar yoki Navas ECHL finalida umuman mag'lub bo'lishmagan.
Keylor Navas bugun to'rtinchi marotaba «shalpanquloq»ni ko'tarib rekord o'rnatishi mumkin.
Flik bugun finalda g'alaba qozonsa, unda ECHLdagi barcha o'yinni yutib chempion bo'lgan maestroga aylanadi. Flik murabbiylikdagi debyut yildayoq ECHL tarixidagi eng qisqa mavsumni o'tkazib, deyarli barcha rekordlarni buzayotgan murabbiy sifatida tarixga yaqinlashmoqda.
SHahboz Beg'amov
Bosh sahifaga
218