"Bugun “Andijon” jamoasida butunlay kutilmagan o'yin, kutilmagan taktik o'zgarish va boshqacha shijoatni ko'rdim. Biz uchun eng og'ir uchrashuvlardan biri bo'ldi. “Derbi” o'z nomiga yarasha jangovar ruhda o'tdi. Lekin bu bahs mavsumdagi eng yomon o'yinimiz bo'ldi deya olaman. O'ylagan taktik uslublarimiz ham o'xshamadi. G'alaba qozongan bo'lsak-da, murabbiy sifatida o'yinimizdan ko'nglim to'lmadi. “Andijon” bugun kamida durangga loyiq o'yin kursatdi.
Hozir pandemiya, charchoq borligi hamma uchun tanish gaplar. Ayni damda barcha bir xil holatda deb uylayman. Jamoalarda 45 nafar futbolchi ro'yxatga olingani bois qaysidir futbolchi muammoga duch kelsa, o'yinni qoldirmaslikka kelishgandik, yani bahslar davom ettirilishidan oldin murabbiylar bu masalada o'zaro kelishib olgan edik.
Bu narsalarni bahona qilib ko'rsatmoqchi emasman. Ochig'ini aytaman, bugun o'yininimiz butunlay qovushmadi. SHu sababli bugungi g'alabani omadimiz kelgani bilan izohlagan bo'lardim. Yigitlar ham oxirigacha kurashishdi. Raqibimiz ham jangovar o'yin ko'rsatdi.
Bugungi o'yin uchun har ikki jamoa azolariga minnatdorchilik bildiraman. Yana shu narsani qo'shimcha qilishim mumkinki, pandemiya sabab biror jamoa muammoga duch kelsa, PFLning har qanday qaroriga rozi bo'lamiz. Biz raqiblarning zaiflashuvidan manfaatdor emasmiz. Uch kundan keyin yana bir “derbi”da maydonga tushamiz. “Navbahor”ga qarshi bo'ladigan bellashuv ham oson bo'lmaydi" - deydi Ashurmatov.
Bosh sahifaga
192
