Hamidjon Aktamov: “Andijon”ga qarshi o'yindan oldin tarkibida jiddiy yo'qotishlar bor edi”

Uchrashuv oldidan jamoamiz tarkibida jiddiy yo'qotishlar bor edi, - deya so'z boshladi Hamidjon G'ulomovich. - Bu bugun o'yinimizga o'z tasirini o'tkazmay qolmadi. Himoyachilarning oddiy vaziyatlarda xatoga yo'l qo'yganligi g'alabani qo'ldan chiqarishimizga sabab bo'ldi. Muxlislar chiroyli futbolga guvoh bo'lishdi. Bizni har bir o'yinda qo'llab-quvvatlayotgan ishqibozlarga rahmat aytaman. Barchasi 21 may kuni  Andijonda bo'ladigan javob uchrashuvida hal bo'ladi.

Legionerlarimiz Andrey Derkach, Georgiy Kvesieshvili jarahoti tufayli maydonga chiqmagan bo'lsa, etakchi yarim himoyachimiz kutilmaganda shamollab qoldi. Ular albatta chempionatning uchinchi tur uchrashuviga qadar tarkibiga qo'shilishadi, degan umiddaman.

Endi bor etiborimizni chempionat bahslariga qaratamiz. Oldimizda “Olmaliq”qa qarshi muhim uchrashuv bor. Muhimi, jamoamiz azolarining kayfiyati alo. Navbatdagi uchrashuvlarda ham faqat g'alaba ishtiyoqida maydonga tushamiz.