Abdulaziz Yusupov: “Baklanov penaltini qaytarib ruhiyatimizni ko'tarib yubordi”

-  Kechagi uchrashuvda yaxshi o'ynadik. Barcha jamoadoshlarim o'zlarini ko'rsatishib, g'alaba uchun ko'p ter to'kishdi. Ochig'i, bellashuvdan oldin ijobiy natijaga erishishimizga ishongandik. Sababi, bosh murabbiyimiz Murod aka Ismoilov bizni o'yinga ajoyib ruhda va to'g'ri taktika asosida tayyorlagan edi. Futbolchilar o'z vazifalarini to'laqonli bajarishdi va biz Namangandan g'alaba bilan qaytdik.

Pishur penaltidan gol urganida g'alaba qozona olarmidik? Bilmadim. Anig'i shuki, o'yin boshqacha ko'rinish olardi. Lekin jamoamizning tajribali darvozaboni Andrey Baklanov penaltini qaytarib, nafaqat o'zining, balki bizning ham ruhiyatimizni ko'tarib yubordi. SHundan so'ng futbolchilarda o'ziga bo'lgan ishonch ortib, mehmonda g'alaba qozondik.

Safardagi uchrashuvda g'alaba qozongan bo'lsakda, hali hech narsa hal bo'lgani yo'q. Javob bahsiga ham jiddiy tarzda tayyorgarlik ko'ramiz va albatta g'alaba uchun o'ynaymiz.

Furqatbek Nishonov