 FC Rostov Kento Hashimoto - 59' | Premier League . 5-tur 26/08/2020, 22:30 0 : 1 Tugadi |  Ural |
Stadion: Rostov Arena
"Rostov" – "Ural" 1:0
"Rostov-Arena"
Gol: 1:0 – 59 Xasimoto.
"Rostov" – Pesyakov, Osipenko, CHernov, Kozlov, Xadjikadunich, Glebov, Ionov, Bayramyan (Smirnov, 71), Normann (Xasimoto, 48), Eremenko (Logashov, 80), SHomurodov (Poloz, 71).
"Ural" – Pomazun, Gerasimov, Rykov, Kulakov, Kalinin (Zolotov, 24), Augustinyak (Emelyanov, 63), Bavin (Evseev, 63), Mishkich, Egorichev (SHabolin, 84), Bikfalvi, Podberezkin.
Ogohlantirish: Kulakov (52).
UCHRASHUV YAKUNLANDI!
90. Uchrashuv asosiy vaqtiga 3 daqiqa qo'shib berildi.
85. Hisobda orqada qolayotgan "Ural" to'pga egalik qilishda ustunlikka erishmoqda, ammo uzatmalar golga aylanmayapti.
80. Eremenko jarohat olganga o'xshaydi, shifokorlar unga tibbiy yordam ko'rsatishmoqda. Roman o'rniga Logashov maydonga tushdi.
70. O'zgarish: SHomurodov maydonni tark etmoqda, uning o'rniga Dmitriy Poloz o'yinga qo'shildi.
66. Xasimotodan yana bir zarba, biroq bu safar noaniq.
62. Eldor hujum boshlash uchun hatto markazgacha qaytmoqda, bu tahsinga sazovor holat.
61. SHomurodov qanotdan reyd uyushtirishga harakat qildi va burchak zarbasi ishlab oldi.
59. GOOOL! Xasimoto hisobni ochdi! To'p burchakdan uzatilganidan so'ng Xajikadunich bosh bilan to'pga zarba berdi, ammo u futbolchilarga tegib yaponiyalikka tushdi va Kento Xasimoto joriy mavsumdagi ikkinchi golini urdi. 1:0!
57. Eslatib o'tamiz, "Rostov"ning ikki asosiy futbolchisi joriy mavsum startida klubini o'zgartirdi. Ivelin Popov "Sochi"ga o'tgan bo'lsa, qozog'istonlik Baxtiyor Zaynutdinov CSKA safini to'ldirdi.
54. "Ural" futbolchisi Rikov jarima zarbasidan gol urishga urindi, ammo to'p darvozaning ancha tepasidan o'tib ketdi.
48. O'zgarish: Normann o'rniga Xasimoto o'yinga qo'shildi.
47. Normann jarohat olgan ko'rinadi, uning o'rniga Xasimoto maydonga tushishga tayyorgarlik ko'rmoqda.
46. Ikkinchi bo'lim boshlandi.
TANAFFUS
45. Birinchi bo'limga 1 daqiqa qo'shib berildi.
44. Jarima zarbasini Eremenko amalga oshirdi. Uning zarbasidan so'ng to'p darvoza ustidan o'tib ketdi.
43. Xoren Bayramyan raqib jarima maydonchasi oldida himoyachilarni har tomonga chayqab, standart vaziyat ishlab oldi.
36. O'yin tempi yuqori deb bo'lmaydi, ammo jamoalar yurib o'ynashmayapti, shunchaki aniq harakatlar kam.
32. SHomurodov "Rostov" uchun burchak zarbasi ishlab berdi.
29. To'p "Ural" jarima maydonchasiga uzatilishda davom etmoqda, ammo SHomurodov havodagi kurashlarda yuta olmayapti.
25. SHomurodov qanotga ochilib, jamoadoshidan to'pni qabul qildi va tezlik bilan uni Bayramyanga uzatdi, biroq himoyachi Xorendan oldin chiqib, to'pni maydondan tashqariga tepib yubordi.
21. Bayramyanning uzatmasidan so'ng SHomurodov "Ural" darvozaboni bilan birga-bir chiqayotgandi, ammo yon hakam ofsayd borligini ko'rsatdi.
18. NORMANN! SHomurodov to'xtatib bergan to'pni Matiass darvozaga yo'lladi, ammo biroz noaniq.
14. O'yinda kichik ustunlik "Rostov" tomonda. Mezbonlar qanotlardan jarima maydonchasiga to'pni uzatib, hisobni ochishga urinishyapti, ammo hozircha raqib himoyachilari himoyada ishonchli harakat qilishmoqda.
12. SHomurodov bugun avvalgi o'yinlardagidan ancha faol. Eldor markazgacha qaytib, jamoadoshlariga himoyada yordam beryapti.
7. Markazda Eldorga nisbatan qoida buzildi.
6. SHOMURODOOV! Eldor Ionov qanotdan uzatgan to'pni darvoza tomonga burishga urindi, ammo uning hisob-kitobi xato chiqdi va to'p u kutganidan avvalroq SHomurodov oyog'iga etib bordi.
4. SHomurodov bugun quruq seriyasini to'xtatishi kerak. U 6 oydan beri raqib jamoa darvozalarini ishg'ol qila olmayapti.
1. Uchrashuv boshlandi.
Bosh sahifaga
276