Dilshod Nuraliev: "Lokomotiv"dagi futbolchilarning 90 foizini haydab yuborish kerak"

"O'yinni, jamoaning ahvolini ko'rdinglar. Futbolchilar jismoniy jihatdan umuman tayyor emas. Men jamoani bitta yoki ikkita mashg'ulotdan keyin o'zgartirib yuboradigan sehrgar emasman. Futbolchilarning 90 foizini haydab yuborish kerak. O'yin haqida nima ham derdim, "Nasaf" jamoasini g'alaba bilan tabriklayman. Tarkibidagi futbolchilari yosh, harakatchan. Ularni to'xtatishga ulgura olmayapmiz.

Men vaqtinchalik murabbiyiman. Bu jamoani men tuzmaganman. Futbol o'yinchoq narsa emas. Ikki uch kunda biron narsa qilib bo'lmaydi. Men shuncha yil ishlagan bo'lsam bunaqa jamoa bo'lmagan. Bunday jamoa bo'lganida futbolchilarimni bo'g'ib o'ldirib qo'ygan bo'lardim.

Qo'limdan kelganicha ishladim. Tajribali futbolchilar yugurmagandan keyin ularni yugurtira olmayman. O'yinchilarni nomiga qarash kerak emas, ularga ikki ham qo'yib bo'lmaydi.

Moliyaviy muammolar ham tasir qilayotgan bo'lishi ham mumkin. Jamoani qabul qilib olganimdan keyin ikkita mashg'ulot o'tkazdim. Maoshlar berilmayotgani haqida menda malumot yo'q",- deydi Dilshod Nuraliev.