Viktor Kumikov: "O'yin boshlanishiga 50 daqiqa qolganida to'liq tarkib bilan yig'ildik"

"Paxtakor" barcha jabhada bizdan ko'ra kuchli jamoa. Ham ijrochilar bo'yicha, ham boshqa tomonlama. Bugun sodir bo'lishi kerak bo'lgan narsa ro'y berdi.

Ammo birinchi golda menimcha suniy o'yindan tashqari holatni vujudga keltirishda xato qildik. Ikkinchi golda esa hakam xato qildi deb o'ylayman. Sababi futbolchi 5 metrdan yo'llangan zarba vaqtida qo'lini olib qocha olmaydi. U hatto to'pni ko'rmagandi ham.

Bizda ham deyarli shunday vaziyat bo'ldi, ammo hakam vaziyatni ko'rmay qoldi. Hakamlar "Paxtakor"ga yordam berishlari shart emas, ular shundoq ham kuchli.

- Keyingi o'yinlarda ham bugungidek dastlab o'ynamaymiz, keyinroq o'ynaymiz degan holatlar bo'ladimi?
- Bugungi o'yin boshlanishiga 50 daqiqa qolganida to'liq tarkib bilan yig'ildik. Bu ham o'z tasirini ko'rsatdi. Hozir biroz tanaffus bo'ladi. Balki bu tanaffus vaziyatni yaxshi tomonga o'nglanishiga yordam berar. "Andijon" haqida oldindan nimadir deyish imkonsiz. U erda har soatda o'zgarishlar bo'ladi. Bugun tushgacha o'ynamasligimiz kerak edi, tushdan keyin o'ynaydigan bo'ldik. Balki Andijonda investorlar topilar va hech bo'lmasa eng zarur narsalar uchun pul berilar.

Temur Usmonov bugun kamida 10 marta o'yindan tashqari holatda qolib ketdi? U har bir vaziyatdan keyin o'yindan uzilib qoladi. Himoyachilar o'z o'rnilariga borishguncha ulgurmay qolgandir", - deydi Viktor Kumikov.