Sir emaski, “Paxtakor” futbol klubi Osiyo CHempionlar ligasi musobaqasida ishtirok etish uchun 10 sentyabr kuni Qatarga yo'l oladi. SHu bois, Superliga uchrashuvlarini to'liq yakuniga etkazish uchun O'zPFL “Paxtakor” klubining 10 sentyabrga qadar 3 ta rasmiy o'yinda maydonga tushishi kerakligini malum qildi va rejaga kiritdi. Bunda “Paxtakor” ketma-ketlikda “Navbahor”, “Buxoro” va “Metallurg” klublariga qarshi kurash olib borishi kerak.
O'FA Terma jamoalar markazi 3 sentyabr kuni Tojikistonga qarshi o'rtoqlik o'yini bor ekanidan kelib chiqib, “Buxoro” va “Navbahor” jamoalari ketma-ketligini o'zgartirishni so'radi. Ammo “Buxoro” klubi markazlashtirilgan musobaqada qolgan jamoalardan bitta ko'proq o'yinda maydonga tushgani, shuningdek, klubni bir qator futbolchilar tark etganidan kelib chiqib, mazkur taklifga rozi bo'lmadi. O'z navbatida “Paxtakor” klubi Qatar safari oldidan Namangan yoki Muborakda emas, yaqinroq hududda uchrashuv o'tkazishi to'g'riroq bo'lishi, shundan kelib chiqib, ketma-ketlikni taqvim bo'yicha belgilash to'g'ri bo'lishini malum qildi. O'zPFL klublarning bu takliflarini hurmat qiladi.
SHundan kelib chiqib, uchrashuvlar quyidagi sanalarga belgilandi:
1 sentyabr, 19:00 “Navbahor” — “Paxtakor”
5 sentyabr, 18:00 “Buxoro” — “Paxtakor”
8 sentyabr, 19:00 “Metallurg” — “Paxtakor”
Bosh sahifaga
590