"Inter" mutasaddilari "Barselona" yarim himoyachisi Arturo Vidalning agenti bilan muzokaralarni boshlagan, deya xabar qildi Football Italia. Kataloniya jamoasi bilan 1 yillik shartnomasi qolgan xavbek Milanga ko'chib o'tishi kutilmoqda.
Bunga qadar "Inter" Vidalni qo'lga kiritish uchun 2 marotaba urinib ko'rdi – o'tgan yoz va joriy yilning yanvarida. Ikki gal ham kelishuv amalga oshmadi. Bu safar "neradzurrilar" avval o'yinchining o'zi bilan kelishib, keyin "Barselona" bilan bog'lanishga qaror qilishgan. "Inter" rahbariyati "Barsa" o'z futbolchisini arzon narxda qo'yib yuborishiga ishonadi.
Oldinroq "Yuventus"ning yangi bosh murabbiyi Andrea Pirlo Vidalni Turinga qaytarishni xohlayotgani to'g'risidagi xabarlar tarqalgan edi.
Bosh sahifaga
1131