Bobur Zuhriddinov: "Bunyodkor"dek jamoa bilan durang o'ynaganimizdan xursandman"

"Bugun yaxshi o'yin bo'ldi deb o'ylayman. O'ylab qo'ygan barcha rejalarimiz amalga oshdi. “Bunyodkor”dek kuchli va tajribali jamoa bilan tengma-teng o'ynaganimizdan xursandman", - deydi Bobur Zuhriddinov.

- Bugun raqib o'yini o'xshamadimi yoki sizning taktikangiz ish berdimi?
- “Bunyodkor”ning o'yini o'xshamadi degan fikrga qo'shilmayman. SHogirdlarim raqibga erkin o'ynashga imkon berishmadi. Yigitlarimdan minnatdorman.

- Nima uchun darvozabonni almashtirdingiz? Xato qildimi?
- Yo'q bu xato bilan bog'liq emas. Bu taktik yurish edi. Bugungi o'yinda kim asosiy tarkibda, kim zaxiradan tushishini ancha oldin aniqlab bo'lgandik.

- "Obod" mavsumni yaxshi boshladi. Lekin jamoa zaxira o'rindig'i u qadar uzun emas. Bu mavsum o'rtalarida pand bermaydimi?
- Yo'q. Balki sizlarga zaxiradan tushayotgan o'yinchilar kuchli bo'lib ko'rmasligi mumkin. Lekin ular ham imkon qadar yaxshi o'ynashmoqda. Qishki yig'inlar davomida sinovdan o'tgan futbolchilarni jamoada olib qolganmiz.