Sergey Lushan: "Obod" bilan o'yinlarda doim qiynalamiz"

- “Obod”ga bilan o'yinlarimiz doim qiyin kechgan. O'tgan yili ham kubokda ikki bor og'ir bahs o'tkazgandik. Raqibimizni juda yaxshi bilamiz. Maqsadim asosiy tarkib futbolchilariga xordiq olish imkoniyatini yaratib berish edi. “Obod” bilan javob o'yinimiz ham bor. Bugungi hisob bizni qoniqtirdi.

Biroq bazi futbolchilarimiz o'z darajasidan past o'ynashdi. Kam maydonga tushayotgan futbolchilarga imkoniyat berdik. Ammo bazilarning o'yini qovushmadi.

Agar o'zimiz yaratgan vaziyatlarimizni golga aylantira olganimizda hisob 6:2 ko'rinishini olardi. Akbar To'raev anchadan beri o'ynamagan edi, shu bois kutilmaganda gol o'tkazib yubordik. O'tkazib yuborilgan gol shunchaki baxtsiz hodisa. Darvozabonlarda bazida omadsiz o'yinlar ham bo'lib turadi. Akbarni golda ayblamayman. Natijani o'zgartira olmaymiz. Yuqorida aytganimdek asosiysi maqsadimizga erishdik: “Mashal” bilan o'yindan oldin asosiy o'yinchilarimizga dam berdik, - deydi Sergey Lushan.