Qisqa vaqt ichida o'tkazilgan 4ta turdan so'ng Superliga birinchi davrasiga yakun yasaldi. "Boksing dey"da kimdir o'zini ko'rsatgan bo'lsa, kimdir aksincha kutilgan o'yinni namoyish qila olmadi.
Endi sentyabrdan musobaqa yana uy-safar tarzida davom ettiriladi. Ikkinchi davraning dastlabki to'rtta turini kelasi oyda o'tkazish mo'ljallangan. Taqvim ham tayyor. O'ylaymizki, ikkinchi davra yanada shiddatli kurashlarga boy kechadi.
"Boksing dey"da bo'lib o'tgan 4 turda eng ko'p ochko yig'gan jamoa "Paxtakor" bo'ldi. SHota Arveladze shogirdlari to'rtta uchrashuvning hammasida zafar quchishdi. "SHerlar" qisqa vaqt oralig'ida "Qo'qon-1912", "Nasaf", "Lokomotiv" va "Andijon"dan ustun kelishdi.
Bu borada keyingi o'rinni "Qo'qon-1912" egalladi. Qo'qonliklar ketma-ket uchta bellashuvda g'alaba qozonib 9 ochko jamg'arishdi. Ashurmatov shogirdlari oxirgi uch bellashuvda "Lokomotiv", "Andijon" va "Navbahor"ni mag'lub etishdi. Bu borada keyingi o'rinlarni 8tadan ochko bilan AGMK va "Qizilqum" jamoalari egallashdi.
"Boksing dey"da birorta ochko jamg'ara olmagan "Lokomotiv" bo'ldi. "Temiryo'lchilar" oxirgi to'rtta o'yinning barchasida imkoniyatni boy berib, AGMK, "Qo'qon-1912", "Paxtakor" va "Nasaf"ga qarshi bahslarda mag'lub bo'lishdi.
1. "Paxtakor" - 12 ochko. (4 g'alaba)
2. "Qo'qon-1912" - 9 ochko. (3 g'alaba)
3. AGMK - 8 ochko. (2 g'alaba, 2 durang)
4. "Qizilqum" - 8 ochko. (2 g'alaba, 2 durang)
5. "Nasaf" - 7 ochko. (2 g'alaba, 1 durang)
6. "Mashal" - 7 ochko. (2 g'alaba, 1 durang)
7. "Bunyodkor" - 6 ochko. (1 g'alaba, 3 durang)
8. "Metallurg" - 6 ochko. (2 g'alaba)
9. "So'g'diyona" - 5 ochko. (1 g'alaba, 2 durang)
10. "Buxoro" - 4 ochko. (1 g'alaba, 1 durang)
11. "Navbahor" - 2 ochko. (2 durang)
12. "Surxon" - 1 ochko. (1 durang)
13. "Andijon" - 1 ochko. (1 durang)
14. "Lokomotiv" - 0 ochko.
Bosh sahifaga
192