Bahodir Nasimov: "O'yinda "Obod" ham, biz ham g'alaba qozonishimiz mumkin edi"

"O'yin qiyin bo'ldi. Barcha ko'rdi. Bu o'yinda raqib ham, biz ham g'alaba qozonishimiz mumkin edi. Hali oldinda javob o'yini bor. Nasib qilsa, o'sha o'yinga yaxshi tayyorlanib, keyingi bosqich masalasini hal qilamiz deb umid qilaman.

"Obod"ning bungacha o'tkazgan o'yinlarni ko'rgandik. "Buxoro"ga qarshi o'yinda ham ular yomon taassurot qoldirishmagandi. Undan keyin "Oq-Tepa" yirik hisobda dog'da qoldirildi. Raqib jamoa yoshlardan iborat. Bir-birlarini yaxshi tushunadilar. SHu sababli, ulardan mana shunday qarshilik kutgandik", - deya o'z fikrlarini yakunladi Bahodir Nasimov.