Video  Anvar Berdiev: "Istiqlol" mag'lubiyatga loyiq emasdi"

" O'yinni ko'rib guvohi bo'ldinglar, jamoamiz mag'lubiyatga loyiq o'ynamadi. O'tkazib yuborilgan tezkor gol yigitlarni ruhiyatiga tasir qildi shekilli, o'yinimizni topib olgunimizcha qiyinchilikka duch keldik. "Turon" jamoasini g'alaba bilan tabriklayman.

Bu o'yin natijasini tezroq unutgan xolda keyingi o'yinga astoydil tayyorgarlikni boshlaymiz. Bugungi o'yinda yo'l qo'yilgan kamchiliklar ustida ishlab, navbatdagi o'yinlarda g'alaba qozonishga harakat qilamiz.

Mo'ydin Mamazulunovning vaziyati haqida nima deyishim mumkin? Hozir unga 5 ta shunday vaziyat qilib bering, hammasini bexato uradi. Futbolda hamma narsa bo'lishi mumkin, rasmiy o'yinda mana shu kabi xolatlar uchrab turadi. SHunaqa paytlar bo'ladiki, 25-30 metr masofadan zarba yo'llasangiz ham gol bo'lishi mumkin. Bazida yaqin masofadan ham unumli foydalana olmaysiz, aytganimdek bu futbolda bor bo'lgan xolat.

Biz birinchi galda bugungi o'yindagi xatolarni ko'rib chiqib, ularni bartaraf etish ustida ishlaymiz. Keyingi turda "Neftchi"ga qarshi o'ynaymiz. Bu jamoa bilan bilan hozirga qadar barcha o'tkazgan o'yinlarimiz shiddatli ruhda bo'lgan. Har ikki jamoa azolari Farg'ona derbisiga alohida ishtiyoq bilan chiqishadi, juda qiziqarli uchrashuv bo'lishi aniq.

Birinchi bo'limning dastlabki qismida o'yinimiz qovushmaganiga uzoq yo'l bosib kelganimiz sabab bo'lgan bo'lishi mumkin. Bir oz o'tib yigitlar maydonga va o'yinga moslashishdi. Ikkinchi bo'limda chindan ham birinchi bo'limdagidan ko'ra yaxshiroq o'ynadik. Aslida birinchi bo'limda ham yomon o'ynamadik, yigitlar maydonda borlarini berib harakat qilishdi" - deydi Anvar Berdiev.