Jamoa o'tkazilgan 13 o'yinda 21 nafar futbolchilar xizmatidan foydalandi. SHundan faqatgina darvozabon — Suhrob Sultonov barcha o'yinda o'zgarishsiz to'liq harakatlandi va yana ikki futbolchi — Sardor Rahmonov hamda Bahrom Abdurahimov hamma o'yinda ishtirok etdi.
Texnik-taktik harakatlar ko'rsatkichlari:
- AGMK 13 o'yinda jami 10448ta texnik-taktik harakatlarni amalga oshirdi. Bu o'rtacha har bir o'yinda 804ta texnik-taktik harakatlar degani. O'tkazilgan uchrashuvlarning aksariyatida AGMK uchrashuvda tashabbus bilan o'ynagan va to'pni yo'qotish ko'rsatkichi 25,8%ga teng. Zamonaviy futbolda bu jihat bo'yicha o'rtacha ko'rsatkich aynan 25%dan baland bo'lmasligi juda yaxshi natija hisoblanadi.
Gollar:
- AGMK birinchi davrada 22 marotaba raqiblar darvozasiga yo'l topdi. Etiborga molik jihati, AGMK Superligadagi barcha o'yinda gol urishni uddalagan yagona jamoa bo'ldi. Har o'yinda o'rtacha hisoblaganda 1,7tadan gol urilgan. Alohida takidlash kerakki, urilgan 22tadan 17ta golni jamoa ikkinchi bo'limda kiritgan. Yani, AGMK ikkinchi taymda yuqori samaradorlik ko'rsatmoqda.
Urilgan gollarning 12tasi qanotdan uyushtirilgan hujumlar orqali, 4tasi markazgan tashkillashtirilgan hujum samarasi va 6tasi standart vaziyatlaridan keyin kiritilgan.
To'p uzatmalar:
- Futbolda to'p uzatmani ko'p narsani belgilab beradi. AGMK birinchi davradagi o'yinlarda jami 5952ta uzatmani amalga oshirgan. SHularning 57% texnik-taktik harakatlar evaziga. To'p yo'qotish koefficienti esa 15,9%ni tashkil qilgan.
5952ta uzatmadan 2282tasi (38,3%), yani har uchta uzatmadan biri orqaga yoki unga berilgan. Qolgan uzatmalar oldinga berilgan. SHuni alohida qayd etish kerakki, jamoa 272ta qanotdan to'p oshirgan va bu ajoyib ko'rsatkichlardan biri sanaladi. Har bir o'yinda o'rtacha 21tadan qanotdan oshirilgan to'plar hujumlarni keskinlashtirgan. Har ikkita qanotdan oshirilgan to'plarning bittasi mo'ljalga aniq borgani etiborga molik.
SHorahmedov (10 o'yin) - 48 oshirma (50% aniq)
Rahmatov (8 o'yin) - 43 oshirma (35% aniq)
Tursunov (12 o'yin) - 36 oshirma (56% aniq)
Amanov (12 o'yin) - 29 oshirma (45% aniq)
Sulaymonov (6 o'yin) - 15 oshirma (40% aniq)
Qanotdan tashkil etilgan hujumlarning 12tasi gol bilan tugagan. 7 gol chap qanot, 5ta golga esa o'ng qanotdan tashkillashtirilgan hujumdan keyin kiritilgan.
Yakkakurashlar:
- AGMK futbolchilari joriy mavsum yakkakurashlarda ham o'sishga erishishgan. O'tgan mavsumda jamoa yakkakurashlarda 52% brakni amalga oshirgan bo'lsa, bu gal ko'rsatkich 43,9% foizga tushgan.
Birinchi davrada eng ko'p yakkakurashlarga kirishgan futbolchilar: SHorahmedov, Grigalashvili, Erkinov, Rahmonov va Abdurahimov.
Yakkakurashlarni ko'proq yutib chiqish bo'yicha esa Jo'raev, SHorahmedov, Yo'ldoshev, Rahmonov, Jokich, Vatsadze, Zonich va Erkinovni alohida takidlash mumkin.
Qaytgan to'pga egalik qilish:
- Zamonaviy futbolda muhim ahamiyat kasb etuvchi qaytgan to'plarga egalik qilish, yani podbor. AGMK birinchi davrada umumiy hisobda 703ta qaytgan to'pga egalik qilgan. Bu o'rtacha har bir o'yinda 54tadan teng keladi.
Darvoza tomon zarba:
- AGMK birinchi davrada raqib darvozasi tomon 153ta zarba yo'llagan. Har bir bahsda o'rtacha 12tadan zarba degani. Berilgan zarbalarning 94tasi oyoq bilan, 26ta zarba bosh bilan yo'llangan va qolgan 33 zarba raqib futbolchilari tomonidan "blok" qilingan. Tepilgan zarbalarning umumiy hisobda 40% darvozaga aniq borgan.
Darvozaga ko'proq zarba yo'llagan futbolchilar:
Amanov (12 o'yin) - 19 zarba, 7tasi aniq - 2 gol
Grigalashvili (8 o'yin) - 18 zarba, 11tasi aniq - 4 gol
Tursunov (12 o'yin) - 18 zarba, 7tasi aniq - 3 gol
Vatsadze (9 o'yin) - 16 zarba, 6tasi aniq - 2 gol
Jokich (11 o'yin) - 9 zarba, 4tasi aniq - 3 gol
Standart vaziyatlari:
- AGMK 55 marotaba burchak zarbasini amalga oshirdi (o'rtacha bir o'yinda 4,2) va shularning 29% besamar ketdi. Burchak zarbasidan keyin jamoa uchta gol urdi: Jokich (2) va Vatsadze. AGMK 46 marotaba jarima zarbasi tepdi va "Surxon"ga qarshi o'yinda Arslonmirat Amanov jarima zarbasidan unumli foydalangan.
Penaltidan esa AGMK ikki bor samara chiqardi (Tursunov, Jokich) va bir marta noaniq (Jokich) amalga oshirdi. Standart vaziyatlaridan AGMK 64% foydali harakatlarni amalga oshirdi.
Standart vaziyatlarini amalga oshirgan futbolchilar:
Tursunov - 16 burchak zarbasi (14 aniq va 2 noaniq)
Amanov - 13 burchak zarbasi (9 aniq va 4 noaniq), 11 jarima zarbasi (7 aniq va 4 noaniq)
Qosimov - 15 burchak zarbasi (9 aniq va 6 noaniq), 9 jarima zarbasi (6 aniq va 3 noaniq)
Toshmatov - 11 burchak zarbasi (7 aniq va 4 noaniq), 8 jarima zarbasi (4 aniq va 4 noaniq)
Qoidabuzarliklar:
- O'tkazilgan o'yinlarda AGMK 199 marotaba fol ishlatgan. Bu degani har bir o'yinda o'rtacha 15,3tadan to'g'ri keladi. Follarning 78tasi (39%) o'z jarima maydonchamiz yaqinida vujudga kelgan. AGMK futbolchilariga birinchi davrada 21 marta ogohlantirish va 1 bor chetlatish kuzatildi.
Hozirgi kunda Bobur Yo'ldoshev va Dilshod Jo'raev hisobida 3tadan sariq kartochka mavjud hamda ular diskvalifikaciyaga yaqin turibdi.
Uzatmalarni qulay poziciyalarga oshirish va hujumdagi tezlik:
- Bu borada samaradorlik 57,8% tashkil qilmoqda. Jamoaning hujumkorlikdagi tezligi esa 7,4. Ayniqsa "Qizilqum", "Lokomotiv" hamda "Andijon"ga qarshi o'yinlarda AGMK hujumlar tashkil etishda eng yuqori ko'rsatkichlarni amalga oshirgan.
Bosh sahifaga
182