FOTO "Barselona" uchinchi libosini namoyish etdi. U pushti rangda
"Ko'k-anorranglilar"ning sobiq o'yinchisi, bugungi kunda Britaniya televideniyasida boshlovchilik qilib kelayotgan Gari Lineker kataloniyaliklarning zaxira (uchinchi forma) formasiga hazilomuz izoh berdi.
Yangi libos pushti rangda bo'lib, yoqa va engida qora-yashil rangda hoshiyasi bor. Uning taqdimotida bir qancha vaqt muqaddam ketishini elon qilgan, ammo kuni kecha jamoada qolaman deb aytib o'tgan Lionel Messi ham qatnashgan.
"Endi biz Messi nima uchun ketmoqchi bo'lganini bilamiz", - deb yozdi Lineker o'zining tvitterdagi sahifasida.
Eslatib o'tamiz, mavsum yakunlanganidan keyin Messi shartnomasidagi tekinga ketish bandidan foydalangan holda klubni tark etmoqchiligi haqida "Barselona"ni faks orqali ogohlantirgandi. "Ko'k-anorranglilar" esa argentinalikni qo'yib yuborishni xohlashmadi va kelishuvdagi o'sha band allaqachon o'z kuchini yo'qotganini malum qilishgandi. Klub uni faqatgina shartnomada ko'rsatilgan tovon puli (700 mln evro) evazigagina qo'yib yuborishini malum qildi. Natijada 33 yoshli forvard klub bilan sudlashmaslikka va qolishga qaror qildi.
Bosh sahifaga
650