Superliganing 4 ta o'yinidan badarg'a qilingan hakam SHerzod Qosimov Pro-Ligada ishlay boshladi

«Daryo»ning O'FAdagi manbasiga ko'ra, Professional futbol Ligasi (PFL) «So'g'diyona» — «Bunyodkor» uchrashuvidagi (3:3) o'yin natijasiga tasir qilgan bahsli qarorlar sabab O'zbekiston futbol associaciyasidan (O'FA) uchrashuvdagi hakamlikni o'rganib chiqishni so'ragan.

SHundan keyin O'FA Hakamlar va nazoratchilar boshqarmasi Qosimovni Superliganing to'rtta uchrashuvidan chetlatish qarorini qabul qilgan va o'yin uchun oladigan gonorarining 75 foizini ushlab qolgan. Biroq tashkilot hali ham Qosimovning Superliga bahslaridan chetlashtirilgani haqida hech qanday malumot bermagan.

Qayd etish joiz, O'FA 13-tur doirasida o'tgan «Buxoro» — OKMK (2:2) va «Navbahor» — «Qo'qon-1912» (0:1) o'yinlaridan keyin, ushbu bahslarda faoliyat yuritgan Vadim Agishev hamda Viktor Serazetdinovni Superliga o'yinlaridan chetlatgandi. Ular mazkur bahslarni boshqarishda jiddiy xatolarga yo'l qo'ygani aytilgandi.

Eslatib o'tamiz, Qosimov ikkinchi bo'limda «Bunyodkor» foydasiga penalti belgilamagan — himoyachi o'z jarima maydoni ichida raqib futbolchisining libosidan tortib yiqitgan. Biroz o'tib bahsli holatda «So'g'diyona» foydasiga 11 metrlik jarima zarbasi belgilagan — hakam to'p «Bunyodkor» futbolchisining qo'liga tegganini malum qilgan.

Takidlash o'rinli, 7 sentyabr, dushanba kuni SHerzod Qosimov Pro-Liga 5-turidan o'rin olgan «Oqtepa» — «Dinamo» uchrashuvini boshqarib bordi. O'yin tomonlarning 1:1 hisobidagi durang natijasi bilan yakuniga etdi. Bellashuvda bahsli holatlar ham kuzatildi.

Jumladan, 30-daqiqada «Oqtepa» futbolchisi Vladislav Fomin penaltidan gol urib, jamoasini hisobda oldinga olib chiqqandi. Ammo o'sha vaziyatda Qosimov oldin jarima zarbasi belgiladi. Biroq ko'p o'tmay qarorini o'zgartirgan holda «Dinamo» darvozasi tomon penalti tepilishiga ko'rsatma berdi. SHuningdek, 58-daqiqada samarqandliklar azosi SHahzod Hamidovni raqibiga nisbatan keskin o'ynadi deb topgan holda maydondan chetlashtirdi.

Malumot uchun, SHerzod Qosimov FIFA toifasidagi hakam hisoblanadi. U 2014 yildan beri xalqaro maydonda ham o'yinlarni boshqarib keladi.