"Oq-tepa" tarkibida boshlang'ich tarkibda maydonga tushgan afrikalik Opeks Samuel bahsdan so'ng dastlabki fikrlari bilan o'rtoqlashdi.
"O'zbekistonga kelganimga ko'p bo'lmadi, jamoa, futbolchilar va murabbiylar yaxshi kutib olishdi. O'zbekiston men tashrif buyurgan eng yaxshi mamlakatlardan biri bo'lib qoladi degan umiddaman.
Birinchi o'yinim yaxshi o'tdi. Bizda vaziyatlar ko'p bo'ldi, ko'proq gol urishimiz mumkin edi. Lekin, raqib bir kishi kam bo'lib qolgach biz o'yinni nazorat qila olmadik. Biz hayolan yutib bo'ldik, vazifamizni bajardik deb o'yladik. Futbol 90 minut o'ynaladi, oxirigacha kurash olib borish kerak. Raqib kamchilik bo'lib qolganidan foydalanib oldinga o'tishimiz kerak edi.
Mamlakatingiz futboli va chempionati haqida avval tasavvurga ega emasdim. Biroq, bu erga kelayotganimda agar yutsam va o'zimni ko'rsatsam yuqori ligalardagi jamoalarga o'tishim mumkinligini aytishgan.
Jamoamga yordamim tegishi uchun qo'limdan kelgan hamma narsani qilmoqchiman. Buning uchun ko'proq ishlashim va oldinga intilishim zarur. SHundagina maqsadimga erishaman",- deydi Opeks.
Bosh sahifaga
87
