"Arsenal" himoyachisi Ektor Belerin "Barselona"ga o'tishi mumkin.
Diario Sport xabariga ko'ra, Kataloniya klubi vakillari "Arsenal" sport direktori Edu bilan ehtimoliy transfer haqida suhbatlashishgan.
Bosh murabbiy Mikel Artetaning 25 yoshli futbolchini saqlab qolish istagiga qaramay, "Arsenal"ga mos keladigan taklif tushsa, klub futbolchini sotib yuborishi mumkin.
"Kanonirlar" futbolchining narxi 25 million evro ekanligini "Barselona"ga malum qilgan.
"Barsa" bu qadar ko'p to'lashga tayyor emas, biroq agar himoyachi Nelson Semedu jamoani tark etsa, vaziyat o'zgarishi mumkin. Semedo manfaatlarini himoya qiluvchi agent Jorje Mendesh futbolchi uchun APLdan jamoa izlamoqda.
Eslatib o'tamiz, Belerin Barselonada tug'ilgan va Kataloniya klubi tarbiyalanuvchisi hisoblanadi.
Bosh sahifaga
1152