O'ziga xos musobaqaning chorak finaliga qadar etib kelgan hamyurtimiz Aleksandr Geynrix "o'z yurishini" to'xtatdi. Malumki, Geynrixning Osiyo Kubogi-2011da Janubiy Koreya darvozasiga kiritgan goli eng yaxshilar qatorida edi.
Geynrix chorak finalda vetnamlik futbolchi Li Kong Vinx bilan bahs olib bordi. 116,667 nafar muxlis ishtirok etgan so'rovnomada vetnamlik futbolchi katta farq bilan keyingi bosqichga yo'l oldi. Unga so'rovnomada qatnashganlarning 96 foizi ovoz bergan. Hamyurtimiz esa atigi 4 foiz ovoz to'pladi.
Lekin bundan xafa bo'lish kerak emas, chunki OFK o'tkazadigan so'rovnomalarda Vetnam va Eron oldiga tushadigani yo'q. Bu ikki mamlakat o'quvchilari bunday so'rovlarda juda faol ishtirok etishadi.
Endi yarim finalda qarang kimlar bellashadi: hindistonlik Sunil CHetri bilan livanlik Abbos CHahrur va indoneziyalik Vidodo Putra bilan vetnamlik Le Kong Vinx.
Osiyo Kuboklarida shu paytgacha juda chiroyli gollar urilgan. Eron, Yaponiya, Saudiya Arabistoni, Avstraliya ham bir qancha bir-biridan ajoyib gollarni kiritgan. Lekin na iloj OFK so'rovnomasida "Eng chiroyli gol muallifi" deb bu musobaqada hali tarix yozmagan jamoa azosi topiladi.
Bosh sahifaga
577