Video  Alisher SHog'ulomov: "Men bahona qilmoqchi emasman, lekin futbol erkaklar o'yini"

Uchrashuvdan so'ng mezbon "Oq-tepa" klubi raisi Alisher SHog'ulomov fikrlari bilan o'rtoqlashdi.

"Qiziqarli o'yin bo'ldi. "SHo'rtan" jamoasi bejiz birinchi o'rinda ketayotgani yo'q. Birinchi bo'limda o'ylagan rejalarimizni amalga oshira olmadik, pazicion xatolarga yo'l qo'ydik. Biz imkoniyatimizdan kelib chiqib, ixtiyorimizda bor futbolchilar bilan o'ynamoqdamiz. Tarkibimizda yulduz futbolchilar yo'q, jamoasiz qolgan futbolchilarni jalb qilganmiz. Ishlab, mehnat qilib nimadirga erishishga harakat qilmoqdamiz. Oraliqda yuzaga kelgan tanaffusda ko'p futbolchilarimiz jamoamizni tark etdi. Asosiy tarkibdagi olti nafar futbolchimiz almashdi. Biz o'ylagan narsalarni futbolchilar maydonda bajara olishmayapti. Balki, tajriba etishmayotgandir. Ikkinchi bo'limda to'p nazoratini qo'lga oldik. Ketma-ket hujumlar uyushtira boshladik. "SHo'rtan" murabbiyi Asror aka Aliqulov o'z vaqtida ajoyib futbolchi bo'lgan, o'zim muxlisi bo'lganman. Televizorda ham ko'rgan bo'lsangiz ozgina narsaga ham yotib olib o'yinni cho'zish holati ko'p bo'ldi. Futbol erkaklar o'yini. Men bahona qilmoqchi emasman. Bizda ham yaxshi vaziyatlar bo'ldi, gol ura olmadik. Bugun hujum chizig'ida yosh futbolchilar harakat qildi. Ulardan ko'nglim to'q. Oldiga qo'yilgan vazifani bajarishmoqda. Ayrimlarida o'xshamayapti",- deydi Alisher SHog'ulomov.

- Bugun hujumga nuqta qo'yadigan futbolchi topilmadi...
- Ikkita hujumchi bilan ham o'ynab ko'rdik, o'xshamadi. Bizda gol uradigan yaqqol hujumchini o'zi yo'q. Yilni boshidan Ibrohim Tomivaga moslashgan holda o'yin qurdik. Uning o'rniga yaxshiroq hujumchi ololmadik. Hujum chizig'imizda muammolar bor.

- Tajribali futbolchilarni o'yinidan qay darajada qoniqish hosil qildingiz?
- Tajribali futbolchilar o'z darajalarida to'p tepa olishmayapti. Bilmadim, ular bilan qanday gaplashish kerak. Tushuntirmoqdamiz, ko'rsatmalar beryapmiz. Lekin, Sunnatilla Mamadalievni alohida aytib o'tish joiz. Ko'p yoshlar shu futbolchidan o'rnak olishi kerak deb o'ylayman. Har bir vaziyatda kurashvotti, pas bervotti, ochilvotti. Jamoadagi ko'p yosh futbolchilardan o'zining faolligini ko'rsatmoqda.