12 sentyabr kuni saudiyaliklarning 5 nafar o'yinchisida Covid-19ga topshirgan test natijalari ijobiy chiqqani haqida xabar bergan edik. Biroz avval esa o'sha futbolchilar kimlar ekanligi haqida xabar bergandik.
OCHL. "Al Hilol"ning qaysi o'yinchilarida koronavirus aniqlangani malummi?
"Al Hilol" matbuot xizmati bergan malumot "Championat.asia" tarqatgan xabar to'g'ri ekanligini tasdiqladi. Bundan tashqari, riyodliklar yana bir o'yinchida test natijasi ijobiy chiqqanini malum qilishdi. Yarim himoyachi Navaf Al Obidning Covid-19ga topshirgan test natijasi ijobiy bo'lgan. Demak, "Paxtakor"ning bugungi raqibida rasman 7 kishi karantinga olingan va tibbiyot xodimlarining doimiy nazoratida. Bular:
Menejer: Saud Kariri
Darvozabon: Muhammad Vakid
Himoyachi: Muhammad Al Burayk
Yarim himoyachilar: Salmon Al Faraj, Hamad Alabdan, Navaf Al Obid
Hujumchi: Saloh SHehri.
Yuqoridagi futbolchilardan o'ng qanot himoyachisi Muhammad Al Burayk va markaziy yarim himoyachi (Al SHalhubdan keyingi sardor) Salmon Al Faraj asosiy tarkib o'yinchilari hisoblanishadi.
Eslatib o'tamiz, OCHL guruh bosqichi 3-turidan o'rin olgan "Al Hilol" - "Paxtakor" bellashuvi bugun mahalliy vaqt bilan 21:00 (Toshkent vaqti bilan 23:00)da "Al Janub" stadionida bo'lib o'tadi.
OCHL. "Al Hilol" - "Paxtakor" o'yiniga oid qiziqarli malumotlar
Bosh sahifaga
449