- Alamli mag'lubiyatga uchradik. «Dinamo» o'yinning so'nggi daqiqalaridagi xatomiz uchun jazoladi. Aslida o'yin durang bilan yakunlansa adolatdan bo'lardi, menimcha. Ko'rgan bo'lsangiz o'yinni oxirida biz ham hisobni tenglashtirish uchun juda yaxshi imkoniyatga ega bo'lgandik. Bu futbol. Xatolarni to'g'irlashga harakat qilamiz.
«Dinamo» uzoq tarixga ega bo'lgan jamoa. «Turon» esa endi shakllanayotgan klub. Samarqand jamoasida tajribali murabbiylar, yaxshi futbolchilar yig'ilgan. Ularning ham o'z ambiciyalari bor. Biz ham o'z o'yin uslubimizga ega bo'lishimiz uchun vaqt talab etiladi. Bugun shunday o'yin ediki, qaysi jamoa gol ursa, o'sha yutib ketardi. Bu borada omad «Dinamo»ga kulib boqdi. Umuman olganda jamoamiz o'yinidan qoniqdim.
Superliga uchun kimlar kurashadi? Hali endi 6-tur o'tdi. Ko'rib turibsiz, jamoalar orasida farq katta emas. SHu bois Superliga yo'llanmasi uchun jiddiy kurash kechishi aniq. SHu jumladan, «Dinamo» va «Turon» ham Superligaga chiqish uchun kurashadi. Qolaversa, peshqadam «SHo'rtan» klubi va «Neftchi» ham faqat Superligani ko'zlagan. Menimcha, mana shu to'rt klub o'rtasida chempionat oxirigacha jiddiy kurash kechsa kerak. Qolaversa, qolgan to'rt klub ham istalgan jamoani mag'lub eta oladi. Pro ligada klublar o'rtasida farq katta emasligi o'yinlarni keskin va qiziqarli o'tishiga sabab bo'lmoqda, - deydi Ismoilov.
Bosh sahifaga
148